أخبار مصر

أحمد حسن وزينب .. أحمد حسن يقرر اعتزال يوتيوب نهائيا.. فيديو

أول ظهور لـ أحمد حسن بعد إخلاء سبيله بكفالة

أحمد حسن يقرر اعتزال يوتيوب نهائيا

أحمد حسن وزينب .. قرر اليوتيوبر الشهير أحمد حسن اعتزال اليوتيوب نهائيا، وذلك بعد قرار النائب العام بإخلاء سبيله هو وزوجته زينب بكفالة مالية 40 ألف جنيه.

قضية أحمد حسن وزينب

حيث قضى اليوتيوبر أحمد حسن وزوجته زينب 3 أيام رهن الحبس الاحتياطي، على خلفية بلاغ المقدم ضدهما من المجلس القومي للأمومة والطفولة، يتهمهم بنشر فيديوهات محتواها ترهيب لطفلتهما إيلين من أجل تحقيق ربح مادي من خلال نشرها على موقع يوتيوب.

وأحدثت الواقعة جدل واسع على مواقع التواصل الاجتماع بين مؤيد ومعارض لقرار معاقبة الأب والأم بالحبس وتسليم الابنة لدور رعاية، الأمر الذي انتهى في النهاية بقرار النيابة العامة إخلاء سبيلهما بضمان مالي قدره 40 ألف جنيه.

وبعد ساعات من وصوله للمنزل، ظهر اليوتيوبر أحمد حسن في فيديو نشره عبر منصة “تيك توك” معلقا: أنا قررت اعتزل اليوتيوب بس قبل ما اعتزل لازم تسمعوا كل الكلام اللي جاي ده.

وأضاف: أنا اسمي أحمد حسن من أسرة تحت الفقيرة بشوية صغيرين كده، وكنت عايش في البساتين منطقة أغلبكم عارفها، وأبويا كبير في السن وكان عنده محل ترزي، وزيه زي أي أب لما بيكبر لازم ولاده هما اللي يشيلوا المسؤولية خصوصا لو عنده بنات.

وتابع: من 4 سنين كده كنت في تالتة ثانوي عام وقبل الامتحانات بأسبوعين بالظبط قررت اني مدخلش الامتحانات بسبب صدمة كبيرة جدا حصلت لي في حياتي قبل الامتحانات بأسبوعين، وساعتها أهلي اتصدمو وكل اللي يعرفني اتصدم وكله بقا شايفني فاشل.

واستطرد: قررت ساعتها اني أثبت لهم عكس كده لكن مش بالكلام بالأفعال وأخويا الكبير ساعتها كان لسه متخرج، وكان المفروض يشتغل اما مهندس كمبيوتر أو مهندس برمجيات وبما أن مكنش فيه أي شغل متاح ساعتها فكان شغال مندوب مبيعات، وساعتها قررت اني انزل اشتغل معاه عشان ساعتها كنت شايف الدنيا كلها هي فلوس بس.

@ahmed_hass3n

هعتزل اليوتيوب#إكسبلور

♬ الصوت الأصلي – ahmed hassan

أحمد سمير

أحمد سمير حاصل على بكالوريوس إعلام جامعة الأزهر .. أعمل بمجال الصحافة منذ عام 2015 .. عملت في موقع الشرقية توداي كمراسل صحفي .. وصحفي فيديو .. وحاليا محرر صحفي .. عاشق للتصوير والمونتاج والإخراج
زر الذهاب إلى الأعلى