الأربعاء 04 جمادى الثانية 1441 الموافق 29 يناير 2020
الرئيسية » ثقافة و فن » إصابة شريف مدكور بفيروس جديد ويوجه نصيحة لمرضى الكانسر

إصابة شريف مدكور بفيروس جديد ويوجه نصيحة لمرضى الكانسر

شريف مدكور

شريف مدكور

كتبت | ماهينار العشري

ظهر الإعلامي شريف مدكور، في فيديو لايف له عبر حسابه الشخصي على فيس بوك لكي يطمئن متابعيه بسبب غيابه لفترة طويلة على السوشيال ميديا بسبب مرضه.

وبدأ كلامه قائلًا: أنا بقالي كتير مطلعتش لايف، عشان كنت تعبان جداً، و لما فتحت الفيس بوك لاقيت رسايل كتير من مرضى الكانسر اللي بياخدوا الكيماوي بيطمنوا عليا.

وتابع حديثه قائلًا: أي حد بياخد كيماوي مناعته بتقل ودي حاجه معروفة، أنا بس اللي كابرت شوية ونزلت الشغل وعافرت واشتغلت زي ما أنا و نزلت الشغل و ركبت عربيتي، وعملت كل حاجة، وفي بعض الإرشادات اللي كانت بتتقالي ملتزمتش بيها، والناس اللي كانت بتسلم عليا كنت بسلم عليهم عادي.

و استكمل: أنا جالي فيروس بقالي خمس أسابيع الفيروس دا بيبقي في الدم وموجود عند كل الناس، بس بيبقى بنسبة قليلة وأنا عندي لغاية 900، و دي أدى لارتفاع درجة حرارتي وواصلت لـ 39 ونص، وهو مالوش علاج غير إن الجسم يحاول يتخلص منه، وده بيحصل، لكن أنا عندي أنيميا بسبب علاج الكيماوي، و المناعة قلت عندي ودا طبيعي لأي حد بياخد كيماوي.

اقرأ أيضًا:شريف مدكور يكشف آخر تطورات حالته الصحية

وأوضاف : أنا روحت دار الشفاء أخدت كيسين دم «لتر دم» عشان جسمي يقدر يساعد نفسه، وجسمي هلك عشان يتخلص من الفيروس دا، وهو لسه عندي بس الحمدلله حرارتي قلت، و الكانسر ملوش دعوة أوي أنا اللي أهملت الإرشادات و عافرت بس اتحسنت شوية مش أوي بس الحمدلله و قادر اتكلم.

وأوضح شريف مدكور في حديثه قائلًا: أنا عامل الفيديو دا مخصوص لمرضى الكانسر ولكل الناس الي بتاخد كيماوي متقلقوش، دا حاجة عادية إحنا عدينا قبل كدا حاجات جامدة، و خلي بالكوا على نفسكوا يالي بتاخدوا كيماوي، بلاش السلامات بالأيد والأحضان من غير ما حد يزعل.

وفي نهاية حديثه: أكد على أنه سيمتنع الفترة القادمة عن سلام اليد نظرًا لضعف مناعته بسبب الكيمياوي ونصح مرضى الكانسر بضرورة الالتزام بكافة التعليمات حفاظًا على صحتهم.

Gepostet von Sherif Madkour am Sonntag, 8. Dezember 2019

 

 

 

قد يعجبك