عبر الرئيس عبد الفتاح السيسي، عن سعادته بلقاء الطلاب الذين سوف يتخرجون من الكلية الحربية هذا العام، قائلا: “مبروك مقدما.. وده حاجة جميلة جدا في حياتكم.. وده بداية لحياة جديدة خالص.. تبدأ الحياة العملية.. وإن شاء الله بالتوفيق”.
وأضاف الرئيس السيسي، خلال تفقد الكلية الحربية: “لازم التواصل.. أنت مثلا قائد فصيلة أنت عندك عدد من الجنود.. لازم التواصل ومهم أوي أنك تكون على تواصل وتتكلم معاه وتسمع منه.. هو يتكلم وعلمه أنه يتكلم.. ده مسئولية كبيرة جدا في أي موقع وفى الجيش بالذات.. ده مسئولية لحماية الوطن كله وبالتالي الالتزام ده مش بسيط.. المهمة مش قليلة أو بسيطة”.
واستكمل الرئيس أن سياسة مصر الخارجية تعتمد على الاعتدال والتوازن وعدم التدخل في شئون الآخرين، وتفضيل المسارات السياسية والدبلوماسية، فيما يخص الأزمة الصينية إحنا لينا موقف واضح ومعلن وهي سياسة الصين الواحدة، محتاجين إن الاستقرار يعم في العالم علشان العالم بيعاني كثيرا من أي أزمة تقع هنا أو هنا.
وتابع الرئيس السيسي: “برضو زي ما قلت في الأزمة الروسية، عناصر الأزمة فيها حاجات كتير لكن إحنا بنحاول يكون دورنا إيجابي وبنشجع علشان تتحل بالمسار السياسي والدبلوماسي، طبعا نحاول ننزع فتيل أي أزمة طبعا، وده خط عام لمصر، وده برضو اللي إحنا بنعمل في قطاع غزة، أي أزمة إحنا حريصين على نزع فتيلها لآن الاستقرار والسلام ده مسار إحنا بنؤمن بيه وبنعيش بيه وشوفناه، وأنا من الجيل اللي شاف ده في مصر، وعرف قد إيه السلام مهم جدا”.
تابع الشرقية توداي على جوجل نيوز 
