تحدث الرئيس عبد الفتاح السيسى عن الأوضاع الحالية، قائلا: “محاولتنا إننا نحسن حياة الناس ونقلل معاناتها فى ظل الظروف الاقتصادية اللى انتوا اتكلمتوا عليها، طب نتكلم.. إحنا كنا عملنا برنامج للإصلاح الاقتصادى فى 2016 والحمد لله رب العالمين وبدعم المصريين نجحنا فى البرنامج ده وعملنا إنجاز كويس”.
وأضاف الرئيس السيسى، خلال كلمته بالكلية الحربية: “معدلات نمونا كانت كويسة مش 3% ولا 4%، ولكن 5% و5.5% وكنا رايحين لـ6% ولما جات جائحة كورونا والعالم منظومة على بعضها والأزمة الروسية الأوكرانية شفنا تأثيرات الأزمة دى على العالم عملت إيه فى الأسعار وسلاسل الإمداد، والكلام ده كله كورونا بشكل أو بآخر كان ليها تأثير عليه، ولكن نجحنا فى البرنامج الاقتصادى اللى أطلقناه فى 2016 وكان هو اللى خلانا نقدر نتحمل صدمة السنتين بتوع أزمة كورونا”.
وأكد الرئيس : عاوز أطمئنكم على الأوضاع الداخلية للبلاد.. التعامل خلال الأزمات الأخيرة سواء أزمة كورونا أو الأزمة الروسية الأوكرانية، مضيفا: كنا حريصين على أن التأثيرات أقل ما يكون على المواطنين.. كنا دايما بنتحرك في الأزمة دي فيما يخص الأوضاع الداخلية أنها لا تؤثر بالنقص على السلع الأساسية ثم التكلفة إلى حد كبير مناسبة للناس”.
وأضاف الرئيس السيسي: “إحنا فى مصر لم نعكس التكلفة الحقيقية للأسعار اللى شهدت قفزة كبيرة.. الحرص كان أن الموضوع ده لا يتعرض له المواطن بشكل مباشر”.
تابع الشرقية توداي على جوجل نيوز 
