قال الرئيس عبدالفتاح السيسي إن الدولة تبذل أكبر جهد للقضاء على مشكلة العشوائيات، وذلك في كلمته خلال افتتاح مشروع الأسمرات للإسكان الاجتماعي في المقطم.
وأضاف السيسي، صباح اليوم: «لازم نسبق، ولو مطلوب مليون شقة، تتعمل المليون شقة، والكلام ده لينا كلنا، والكلام للحكومة وللمصريين».
وتابع: «أثناء ترشحي قلت لهم أنا عاوز صندوق جنب مني فيه 100 مليار جنيه، قالوا لي هتعمل بـ100 مليار إيه؟، هو ده التخفيف ده.. شوفوا الجمعيات بتصرف كام، وشوفوا الحكومة عشان تحل مسألة 100 ألف وحدة سكنية، عشان نعملهم بنتكلم في 14 مليار جنيه، والحكومة هتيجي تدبره منين؟».
وأوضح: «بصراحة وزير التخطيط متألم مني ورئيس الوزراء، وقدام الناس بحرجهم، وأنا عارف مالناش خيار تاني، ولو الأمر يتطلب مننا إن إحنا ماناكلش وماحدش يبقى عايش كده»، مشددًا على أهمية تعاون المصريين، بقوله: «كلنا نحط إيدينا في إيدين بلدنا عشان ماحدش يعايرنا بفقرنا فقط، ومفيش حاجة اسمها إحنا هنعمل إيه، إحنا بفضل الله هننهي المشكلة (العشوائيات) خلال سنتين، ومفيش أبدا الشكل اللي إحنا شوفناه في مصر ، والحكومة بمجلس الوزراء والسادة الوزراء قادرين على حل المشكلة».
واستكمل: «عايزين أهلنا لما يجوا في الأماكن دي نساعدهم أكتر، وعايزين نبقى معاهم ونعلمهم أفضل ونساعدهم في التغلب على نقاط محتاجين إنهم نساعدهم فيها، وأرجو كإعلاميين نيجي هنا ونحسس الناس إن إحنا معاهم زي ما كنا معاهم في مناطقهم الصعبة، ومحتاجين نبقى معاهم عشان نحسسهم إننا موجودين معاهم».
وقال إن «الأماكن دي الناس اللي فيها طيبين جدا، والادعاء من خلال أفلام بأن الناس دول مختلفين ده كلام مش مظبوط وكلام يهدف منه رسم صورة سلبية وعمل فاصل بين المجتمع، المصريين زي الفل، والناس عندهم أخلاقيات وبتكافح على ولادها، ومفيش حاجة زي دي تطلع تاني».
المصدر
تابع الشرقية توداي على جوجل نيوز 
