سلايدسياسة

السيسي: منبقاش رجالة لو حد أخد أرض مصر.. ومن يتحداني يقف ضد حقوق الله

 

جدد الرئيس عبدالفتاح السيسي، تكليفه للمحافظين ومديري الأمن وقادة الجيش بسرعة إنهاء التعديات على الأراضي الزراعية.

وقال السيسي، خلال افتتاحه عدداً من المشروعات التنموية بمحافظة دمياط، اليوم الثلاثاء: «فيه أراضي كانت ناس حاطه إيدها عليها بتقول هتاخد حقها مني أنا، أنا بقولهم مفيش في الدولة حد فوق القانون وفوق الحق، وأقول تاني، فيه ناس فاكره إنها فوق القانون وفوق الحقوق بقولهم مفيش حد فوق القانون والحق».

وأضاف: «لو سمحتوا أنا قولت آخر الشهر ده عشان أثبت للمصريين إنهم يقدروا، وبقول للمحافظين (منبقاش رجالة وعندنا مروءة إن حد يمد إيده على أرض بلده)».

وتابع: «اللي بياخد أرض مصر لص مغتصب، وحرامي وهو حرامي أيا ما كان هو مين، بياخد أموال الغلابة وطول ما أنا عايش محدش هياخد حاجة من أرض مصر».

واستطرد الرئيس: «مش هسيب حد ياخد حاجة، واللي عايز يتحداني وأنا بسمّع الناس كلها، اللي عايز يتحداني بيتحدى حق من حقوق ربنا في الأرض، أنا مليش مصلحة في الموضوع، وبيني وبينك حق ربنا والناس، وأرجو آخر الشهر هنقعد القعدة دي وكل محافظ ومعاه مدير الأمن وقائد الجيش والمنطقة يقولي عمل إيه وليه متعملش».

المصدر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى