الأربعاء 22 ذو الحجة 1441 الموافق 12 أغسطس 2020
الرئيسية » ثقافة و فن » بالفيديو ..أمينة خليل: «بنزل السوبر ماركت بالبيجامة ومابيهمنيش حد»

بالفيديو ..أمينة خليل: «بنزل السوبر ماركت بالبيجامة ومابيهمنيش حد»

كتبت l أسماء الهادى

تحولت النجمة «أمينة خليل»، خلال حلقة «قعدة رجالة»، المذاع على قناة dmc، إلى محامى الدفاع عن المرأة، ضد مقدمى البرنامج إياد نصار وشريف سلامة ومكسيم خليل.

وتحدثت «أمينة»، خلال أول فقرة من البرنامج، التى حملت عنوان «السيطرة»: «بهرب للبحر وقت الزهق، بحس أنه المكان الوحيد اللى بروق فيه، بشرب قهوة مش كتير، وعلى فكرة أنا برج العقرب وطبيعية جدا، وبستغرب جدا من اللى بيخافوا من مواليد البرج ده».

وأضافت: «بنزل السوبر ماركت بالبيجامة عادى، واللى عاوز يقول ويتكلم براحته، احنا فى النهاية بشر، ومش معنى اننا مشهورين يبقى نتعامل بطريقة مختلفة، أنا مش متزمتة قوى، وبعمل اللى نفسى، ومش بخطط لحياتى بشكل كبير».

وتابعت: “«مش المفروض حد يسيطر على حد، ولا الست على الراجل ولا الراجل على الست، ومفيش حاجة اسمها حد أعلى من التانى، ساعات حد بيسيطر على التانى، والسيطرة مش شرط تكون حاجة وحشة، والسيطرة ممكن تكون مفيدة فى أوقات، وقت ما بتكون سبب فى أن الطرفين يكملوا بعض».

 

عن editor

قد يعجبك