ثقافة و فن

تعرف علي تعليق «نشوى مصطفى» على فيديو خريج «توك توك»

%d8%a7%d9%84%d9%81%d9%86%d8%a7%d9%86%d8%a9-%d9%86%d8%b4%d9%88%d9%89-%d9%85%d8%b5%d8%b7%d9%81%d9%89

 

كتبت | سارة عياد

علقت الفنانة «نشوى مصطفى» عبر حسابها في موقع التوصل الاجتماعى «فيس بوك»، على حديث سائق «التوك توك »لتؤكد« أن جميع المصريين الآن يمروا بظروف صعبة إلا طبقة واحدة وهي نسبتها 1%، وأكدت أنها ممن يتحملون أيضا فقامت بالاستغناء عن بعض الأشياء الضرورية في منزلها، كما أكدت على أنها منذ طفولتها تربت وتعلمت أن تتحمل وقت الصعاب بكل صبر».

وأضافت «زى غيرى فيديو سائق التوك توك ربنا يعينه ويفك كربه ويعين كل محتاج ويفك أزمة كل مأزوم لكن اسمحولى أقول كلمتين، أولاً أعترف أننا فى وضع اقتصادى كلمة صعب حتكون هينة لو قلتها وللمعلومة الوضع صعب على كل الفئات لا أستثنى منها سوى طبقة الواحد فى المائة اللي فلوسهم بره مصر انا واحدة من الطبقة اللي تحسبهم أغنياء من التعفف اللي بالبلدى شغلهم بالأرزاق وشغل جوزى الحمد لله موصلنا لحد الكفاف حد الكفاف اللي معاه كنت مضطرة أنى أستغنى فى بيتى عن حاجات تتصنف ضرورة ملحة ومش شايفه دة بطولة منى أنا اتربيت كده أمى الست البسيطة اللي مش متعلمة علمتنى كده انى وأنا معايا أشكر ربنا وأنا ماعنديش أشكره أكتر وادبر أمورى وأبويا علمنى أن الرجولة انى استحمل الصعب فى الشدة ومااقولش آه».

وتابعت: «نرجع لاخونا سواق التوك توك … حقه انه يقول آه ويصرخ من قلبه لان الوضع صعب وادينا بنحارب … بس واجب نفهمه اننا فى وضع مأزوم … وليه أسباب كتير أهمها أننا ورثنا من أهالينا بلد خربانه فقيرة مسروقة لصالح طبقة حصل عليها ثورة وحد يفهمه أن منظومة التعليم والصحة محتاجة مدى زمنى كبير ومحتاجة فلوس كتير ومحتاج ضمير حد يفهمه أننا فى الحرب وأن مصر زمان كانت بتحارب إسرائيل دلوقتى بتتحارب من أكتر من دولة لصالح إسرائيل الكبرى … حد يفهمه انه يحمد ربه انه شغال على توك توك بيمشى فى شوارع فيها بيوت مش اطلال بيوت صواريخ العدو والحبيب بتدمر فيها شوارع فيها ناس مش جثث مش لاقيه اللي يدفنها حد يفهمه إن احنا فى وقت الشدة الصعب ويفكره أن أهالينا فى الوقت الاصعب كانوا رجالة ووقفوا وقفة رجالة المصريين فى الشدة ياكلوا نص بطن ومايضحوش بوطنهم نقف جنب بعض شوية ومانفتحش جبهات تضعفنا ومعلش هانت إن شاء الله».

وفي نهاية حديثها وجهت كلامها للقنوات الفضائية التي تعتبرها من أعداء الوطن وأخذت تنشر الفيديو قائلة لهم:« وفى الآخر حلال على قنوات العدو الفضائية الڤيديو الهدية ده اللى شغال عرض مستمر يالا خليهم ياكلوا عيش».

زر الذهاب إلى الأعلى