الأحد 21 صفر 1441 الموافق 20 أكتوبر 2019
الرئيسية » ثقافة و فن » تعليق ناري من سارة نخلة بعد حكم حبس طليقها الفنان أحمد عبدالله

تعليق ناري من سارة نخلة بعد حكم حبس طليقها الفنان أحمد عبدالله

 

كتب | أحمد الدويري

قضت محكمة جنح أكتوبر، اليوم، بحبس الفنان أحمد عبدالله محمود، نجل الفنان الراحل عبدالله محمود، لمدة عامين، لإدانته بخيانة الأمانة، في الدعوى المقامة ضده من زوجته السابقة الفنانة السورية سارة جهاد نخلة.

وفي أول تعليق لها كتب سارة نخلة بوست على صفحتها بالفيس بوك، جاء فيه: «اليوم يوم مميز بالنسبالي كنت مستنياه بقالي سنة بالتمام و الكمال بالصبر والاتكال على ربنا و الحمدلله بعد عذاب و بفضل ربنا و فضل استاذي و سندي المستشار عاصم قنديل المحترم حقي هايرجعلي و بحكم محكمة الحمدلله ..اليوم المحكمة حكمتلي الحمدلله و كسبت القضية بالرغم من انه جايب ناس تشهد زور وهم ولا شافوا و لا سمعوا حاجة بس ربنا شايف و عارف و اظهر الحق وفلوسي هاترجعلي بالقانون وبحكم محكمة ».

اقرأ أيضًا حبس الفنان أحمد عبدالله عامين

وتابعت: «انا استحملت كتير كتير و ناس كتير شاهدة و طول الوقت بقول مش عايزة محاكم و مش عايزة الموضوع يكبر ولكن الطرف التاني هو المسؤول عن كل دا و الراجل هو المسؤول في الآخر وعود كاذبة و تأجيل ومماطله ….النهايات أخلاق و انا اتمرمطت و غلبت سنة كاملة على ذمة راجل لا عايز يطلقني و لا عايز يرحمني وكل شوية يعملي قضية جديدة هو ومامته
ناس كتير تدخلت و انا كبرت للناس كلها وسايرت كتير و ناس كتير عارفين سارة صبرت قد ايه سنة كاملة رايحة جاية و بقول حسبنا الله ونعم الوكيل … بقول الكلمتين دول عشان محدش يحاول يقولي يا سارة ليه كدا و يا سارة خلينا نحل الموضوع بشكل ودي …انا غلبت يا جماعه سنة كاملة ولا يصح الا الصحيح في الآخر».

واختتمت: «ما تتكسفيش تطالبي بحقك عشان الي كالوا حقك عمرهم ما اتكسفو وهم بيبلعوه البلد دي فيها قانون و فيها رجالة تهد جبال ولا يرضوا ان ست تتظلم رجالة بصحيح وقفوا معايا في أزمتي».

 

اليوم يوم مميز بالنسبالي كنت مستنياه بقالي سنة بالتمام و الكمال بالصبر والاتكال على ربنا و الحمدلله بعد عذاب و بفضل ربنا…

Posted by Sarah Nakhleh on Saturday, September 14, 2019