أرجع مصدر بوزارة الكهرباء السبب في انقطاع التيار الكهربي عن مناطق واسعة من الجمهورية صباح اليوم إلى ما أسماه بـ «المناورة الكهربية» التي قام بها أحد المهندسين ولم يستطع التحكم بها مما تسبب في هذا العطل.
قام المهندس «رامي السواح» بشرح مبسط قد يفسر ما حدث ويلقي الضوء على ماهية «المناورة الكهربية».
كتب المهندس رامي على حسابه الشخصي بموقع التواصل تويتر @Ramiii_22:
– مناورة الكهرباء ياسادة باختصار.. كل المحطات بتغذي أحمالها عن طريق ٣circut breaker CB وده بار نحاسي ضخم، واحد بيكون في الخدمة والتاني احتياطي..
– والـ CB الثالث بيدخل في حالات نادرة low voltage or high voltage، المناورة بقي هي إنه يدخل cb يشيل الأحمال ويفصل عن الأول ويطلعه صيانة..
– القصة دي بتتعمل سوفت وير، وعلشان واحد يدخل والتاني يطلع السوفت وير ده لازم يعمل حاجة اسمها synchronization، لازم الأمبير والفولت يتوحدوا الأول..
– ممكن يحصل under voltage أثناء المناورة وده ممكن يخلي كل السيستم يقع.. وده يختلف عن الـ blackout اللي حصل في التسعينيات..
– عموما.. لو فيه كهرباء في بعض المحافظات يبقي المناورة هي السبب.. لو مصر كلها يبقي ده blackout وده شئ تاني خااااالص… لا أتمناه
– مش blackout الكهرباء هتبدأ ترجع على مراحل.. أعتقد ساعتين بالكتير
جدير بالذكر أن إن انقطاع الكهرباء لم يتوقف على محافظة القاهرة الكبرى
تابع الشرقية توداي على جوجل نيوز 
