الجمعة 19 صفر 1441 الموافق 18 أكتوبر 2019
الرئيسية » ثقافة و فن » بيت الشعر » علي أبو المجد | يكتب : يا سيدي عب رحمن

علي أبو المجد | يكتب : يا سيدي عب رحمن

علي أبو المجد

يا سيدي عب رحمن
يا مقدم الورد الندي للحور
أمانه يا سيدي ..
لو كان عليا الدور
ل تحنن الكفين شوية
يا سيدي عب رحمن
يا سيد القطر / الزمان
ب اوصيك وصية
سايق عليك المصطفى / و الريح ..
مشتاق صحيح / لكن ورايا لحم
خايف عليهم من فراق ماسخ
البعد – ممكن – يبقى سهل ..
لو كان خفيف
لكن بيدبح ..
لو كنت – آخر وردة وقعت ف الخريف –
شوف يا شريف الأصل / يا ندر البيوت
بان المدى / و الضيق ..
هابيل و قابيل
و البنت / بترش الندى ع القبر
يا هل ترى الشمس خفت ؟
ولا المطر ..
لساه متقل جسمها
باتت رموش الخلق م الرهبة
خفر سواحل
و الحزن
بيدق أوتاد القلوب / و أجراس الخطر
ودعت آدم / ﻷ ما ودعتوش
مديت غيابي للحبايب صبر ..
و دموعي ونس
ف اغسل قلوبهم باللبن
يا سيدي يا طيب / و سيبني
ب آترجى من بعد الأمل / إبني
شوكة حنين ..
كانت كفيله – لو تصيبني –
تهدم جبال نسيان / رواسخ
يا سيدي عب رحمن
مشتاق صحيح / لكن ورايا لحم
خايف عليهم م الفراق/ الماسخ