أخبار الجامعةسلايد

غضب عارم بين طلاب حقوق الزقازيق بعد ظهور نتيجة الفصل الدراسي الأول

 

عارم بين طلاب حقوق الزقازيق بعد ظهور نتيجة الفصل الدراسي الأول

 

كتب  | أحمد الدويري

في واقعة ليست الأولى في جامعة الزقازيق، سادت حالة من الغضب العارم بين طلاب كلية الحقوق، وذلك بعد ظهور نتائج جميع الفرق، وتفاجأ الطلاب بتدني مستوى الدرجات الخاصة بهم الأمر الذي أدى إلى حالة استياء بين الطلاب، واشتعال مواقع التواصل الإجتماعي ودعوات لتنظيم وقفة احتجاجية غداً للمطالبة بإعادة التصحيح وإعطاء كل ذي حق حقه.

حيث طابوا بضرورة تدخل رئيس الجامعة في هذا الأمر وتصحيح لجنة من جامعة أخرى لأوراق إجابتهم ، فتقول ميمي أحد طلاب الكلية : «يعنى مش حرام أكون طالعة مبسوطة ومقفلة مادة المدنى والجنائى وقولت إن شاء الله اجيب تقدير كويس لأن أنا حليت وطالعة مبسوطة وأفرح أهلى وفى الآخر ألاقى نفسى مش محصلة الـ10 حتى حسبنا الله ونعم الوكيل»، ويقول آخر :« ياجماعة لما نشوف الترم التاني بقي ده وفيه كده أُمال التاني حنعمل إيه ياخسارة كلية مش فيه تقدير»

 أما : «بصوا يا جماعة إحنا دلوقتي دخلنا في الجد وقضيتنا هتتحول لقضية رأي عام في بكرة بقا اللي هيوضح إننا هنكون رجالة فعلا أو عيال لازم كلنا نشارك ومحدش يخاف من تصريحات إدارة الكلية، إحنا ناس سلميين بنطالب بحقنا بطريقة سلمية لا هنكسر ولا حتي هنشتم ، واجاباتنا لازم يعاد تصحيحها علي إيد لجنة من جامعة تانية كل الإجابات بلا استثناء بما في ذلك أوراق الناس اللي مقفلة وولاد الوسايط، وأن محدش استجاب لنا وقفتنا هتتحول لاعتصام أمام الكلية»
أما مهند فيقول : «هو عادى إنى أحضر امتحانى وأتسجل غياب ربنا ياخد اللى كان السبب فى الحوارات دى كلها»
وتابع «إبراهيم لاشين» أحد الطلاب قائلاً : «لما أنا أكون مرتب على الدفعة وبموت نفسي على درجة وأجيب 12 في الشريعة و 13 في الدولي، ولما أكتر من نص الدفعة شايلين مواد نعمل إيه عاوزين رد من الدكاترة قولولنا نعمل إيه»

فيما ينظم الطلاب غداً وقفة احتجاجية أمام المسجد بالكلية العاشرة صباحاً للمطالبة بإعادة التصحيح.

7
8
9
10
11

أحمد الدويري

كاتب صحفي منذ عام 2011 ، أكتب جميع أنواع قوالب الصحافة، تعلمت الكتابة بشكل جيد جدًا من خلال موقع الشرقية توداي الذي انضممت له منذ عام 2012 وحتى الآن
زر الذهاب إلى الأعلى