الاثنين 19 ربيع الثاني 1441 الموافق 16 ديسمبر 2019
الرئيسية » توك شو » فيديو.. أحمد موسى لسيدة تتهم ضابط بإجهاض شقيقتها: الباشا مفهمش إن البلد اتغيرت

فيديو.. أحمد موسى لسيدة تتهم ضابط بإجهاض شقيقتها: الباشا مفهمش إن البلد اتغيرت

احمد موسى

اتهمت سيدة تدعى «وفاء» ضابط شرطة اسمه كريم الجنزوري، بكمين مدسوس، في مدينة دهب بالتعدي عليها و3 سيدات، بينهن شقيقتها الحامل، قائلة إنه تسبب في إصابتها بـ«إجهاض منذر»، بعد دفعه باب تاكسي في بطنها.

وذكرت السيدة في مداخلة مع الإعلامي أحمد موسى على قناة «صدى البلد»، أنها وشقيقتيها وابنة خالتهن ركبن تاكسي للتوجه إلى مدينة دهب، فأوقف ضابط شرطة الكمين التاكسي، وطلب بطاقاتهن، وأوضحت: «فتحنا شنطة العربية وجيبنا البطاقات سأل جايين منين ورايحين فين وكان له نظرات لأختي الصغيرة، خدت أختي وركبنا العربية وقولت له شوف شغلك».

وقالت «وفاء»، إن الضابط عاملهن بشكل سيء، وعندما اعترضت شقيقتها الصغرى على طريقة كلامه، قال لهن: «أشكالكم ما يتعاملوش غير كدة، وراح رازع باب التاكسي فجه في بطن أختى الحامل وسابها تنزف على الطريق والسواق هوة اللى طلب لها الإسعاف اللى جه متأخر».

وأشارت إلى أنها قدمت إلى شرم الشيخ لقضاء يومين «جاية بشجع سياحة بلدي»، وأن أختها جاءت إليها لتأخذها إلى دهب، حيث تقيم مع زوجها الذي يملك فندقا في المدينة.

وأضافت: «أخذنا الضابط لعربية ترحيلات كانوا عاوزين يحطوا كلابشات في أيدينا، ووكيل نيابة نوبيع اسمه إيهاب قعد يقول ألفاظ خارجة، وقال أنا لو راجل مش عارف كنت عملت فيكي إيه، لو أنا مكان الظابط كنت دفنتك تحت رجليكي انتى ورجالة عيلتك كلها، ولو نزل نبي من السما مايشيلكيش من أيدي.. والظابط كل شوية ينزل لنا الحجز ويشتم فينا».

وأشارت إلى أنها اضطرت إلى عمل تصالح مع الضابط حتى يتم الإفراج عنها وشقيقتها الصغرى وابنة خالتها، وأنها تتواجد حاليًا عند شقيقتها الحامل في دهب، لكنها لا تستطيع العودة إلى القاهرة: «عشان أرجع القاهرة لازم أعدي على نفس الكمين وأعتذر لأمين شرطة والعسكري وأبوس دماغه، قولت للظابط له كده ذل، فقاللي الذل هتشوفيه لما تنزلي 4 أيام في الحبس، والبنت (شقيقتها الصغرى) مش هخليها تتجوز ولا تشوف الدنيا تاني، حتى السواق اللى معانا خلوه غير كلامه، السواق راجل بسيط خايف منهم».

وقالت في مداخلتها مع أحمد موسى: «إحنا ولاد ناس وجوز أختي صاحب فندق في دهب، لو أنا مش تمام مش هكلمك، بقوله (تقصد الضابط) أبوس أيدك أختي بتموت ع الطريق، فقالي ده فيلم.. ومنعني أستعمل موبايلي، لا جوزي عارف يوصلي ولا أي حد».

في حين رد أحمد موسى، قائلا «أنا عايز أي منطق إنه يتعامل معاكم كدة، لا يحق له إطلاقا إنه يضربك ولا يقرب منك، علشان البيه الضابط اابن الباشا يعمل فيكوا كدة أصل انتوا مواطنين غلابة أصل الباشا ابن الباشا فاكر إن من حقه يعمل كدة، يمكن الباشا كان عينه من واحدة منكم، في ناس في الداخلية مش فاهمين إن البلد اتغيرت».

المصدر

قد يعجبك