عرض الإعلامي أحمد موسى، اليوم الخميس، خلال تقديم برنامجه “على مسئوليتي” المذاع على فضائية “صدى البلد” مناشدة عاجلة للأهالي بمنطقة العمرانية، طالبوا فيها بضرورة تغطية سور كوبري مشاة محور الفريق كمال عامر، كونه يكشف خصوصية منازلهم.
فتحات كاشفة شقق السكان
وقال الإعلامي أحمد موسى: “ده كوبري مشاه يصل بين العمرانية الشرقية والغربية، وفيه فتحات كاشفة شقق السكان، وفي ناس بيطلعوا وشايفين كل حاجة بالتفاصيل، شايف أوض النوم بتاعتها، كاشف حياة الناس”.
كاشفين الستات في أوض نومهم
وأضاف: “الناس بقاش عندها خصوصية، يعني انت بيتك قاعد فيه متقدرش تفتح البلكونة أو الشباك، ومفيش ست أو بنت تقف في البلكونة، لأنه هيبقى واقف مع اللي قدامه على الكوبري يسلموا على بعض، واللي واقف على الكوبري كأنه ساكن في الشقة اللي قدامه”.
واستكمل “موسى“: “الناس بتقول الكوبري بيخدمنا واحنا مبسوطين به، لكن عايزين الفتحات اللي قدامنا دي تتقفل، زي اللي بيحصل في كباري محطات المترو، ومنهم كوبري عند جامعة القاهرة متقفل بفايبر لونه أزرق”.
وتابع: “الأهالي بيقولوا إن الفتحات دي ممكن الأطفال يقعوا منها، وفعلا في واحد وقع من الكوبري من كام يوموتقريبا مات” مطالبا بضرورة توفير عنصر الأمان للأهالي بالمنطقة.
تابع الشرقية توداي على جوجل نيوز 
