الأربعاء 24 صفر 1441 الموافق 23 أكتوبر 2019
الرئيسية » مقالات » مقالات القراء » محمد عبد القادر | يكتب | لسة الجامعة زي ما هية

محمد عبد القادر | يكتب | لسة الجامعة زي ما هية

لسة الجامعة زي ما هية
عالم رايحة وعالم جاية
ناس بتزعق.. ناس بتنهق
والدحيحة كما ا

لحرامية
تلقاهم وسط المتاهات
نازلين دَش
عالم مش فاضيين للـ (هَرشة )
ولا نِت يحوّق ولا دِش
والدكتور لساه بيهاتي
بين مسألة والتانية يوماتي
وتملي مركز ومحرص
من قعر الكوباية يبصبص
على سوسو ونانا و(زناتي)
وزناتي دة حكايته حكاية
عيل سيس
عيّل ملهوش أي ملامح
مش فالح غير في التهييس
نازل يتنطط يتفطط
وكأنه محتاج لـ عريس!!
لما تسبّل عينه ( الحولة )
تهرب كل بنات الدفعة
يهرب منه كمان إبليسأما البنت ف حرم الجامعة
بنت الإيه مبتتوصاش
إشي أحمر واشي اخضر واصفر
يجي خمسين كيلو مكياج
في الحتة تعاكس في جرانها
في الجامعة مبتستعناش
قال يعني بنت بارِم ديله
مسكينة البنت متوعاش
يرحم جد أبوكي وجدك
كان يفطر وميتعشاش

في الكافيتيريا لِف وطوف
هتلاقي ملايين وألوف
كل اتنين بيحبوا ف بعض
كله بيلعب ع المكشوف

أما الأكل.. يا عيني عليه
كله بيهرب من حواليه
واحد ياكل صرصار ميت
والتاني يأزأز رجليه
…..<< يع >>…….
مزبلة وبناكل في قرفها
والاسم… كافيتيريا يا بيه
شفتوا يا عالم حال جامعتنا؟
حال مزبوط ولا يُعلى عليه
نفسي نقوم م النوم نلاقيها
ولا اقولك.. ونقوم ليه؟

المصدر | الشرقيه توداي