مقالات القراء

مقالات القراء | شيماء رفعت تكتب : أصبحنا كائنات

احساس
تايهين فى زحمة مشاعرنا الجميلة 
حلمنا صاحى بس يا خسارة فقدنا 
للأسف احساسنا بيه .
رغم اختلاط القسى ويا الحنين 
رغم اختلاط الحب فينا رغم انكسار 
المجروحين الوان السما السبعة بترسم 
حكاياتها جوانا وكأنها فنان حزين .
يحلم بنور الشمس فى قلوبنا 
يحلم بهمس الصدق فى عيونا 
ويرسم اغانى الحب على وتر السنين 
فتحت قلبى لقيته مش قادر يحب 
مش عارفه ليه يمكن عشان الحب 
أصبح مش هو اللى اتعودنا عليه 
والا يمكن شئ جوايا انكسر وانهار 
معنى الحب فيه .
حلمى الصغير أكتب قصيدة تشدنى
أحكى أحلامى وأمانيا جواها 
تتوحد ملامحى فيها وتترسم وتكون 
خليط م الأبيض والتركواز 
ما هو أصل قلبى مش قزاز هينكسر 
ويا الرزاز الحامل فى حكاياته بقايا
مشاعر متفتته متلونه بلون الرماد .
ماهو أصل زمن الحب مات وبقينا 
كائنات متجردة من كل شئ مبتورة 
الاجزاء متشتته.
والسكون أصبح جنون حتى لو كان 
عن عيون .
وصوتنا العالى فاق المدى فاق الحدود 
وكأننا راكبين فى قطر مش مبالى بأى شئ 
بنبص م الشباك نلاقى فتات قلوبنا 
منثورة ع الطريق.
نرجع نشوفها جوانا نلاقيها 
صورة بالكربون بس بهتانه من غير 
الوان واطارها مليان بالحزن والطغيان
بقلم : شيماء رفعت 
(( جميع ما ينشر على الموقع من مقالات القراء تعبر عن رأي صاحبها ولا تعبر عن رأي الموقع ))

Eman Salem

كاتب صحفي ورئيس تحرير موقع الشرقية توداي
زر الذهاب إلى الأعلى