من هو بطل إعلان زين ؟

كتب | أحمد الدويري

«زين علمني الطاقة الإيجابية.. زين ده مصدر قوتي.. زين هو الأمل.. مفيش بطل يجي سنتيمتر من البطل اللي هو اسمه زين.. التحدي هو زين».. إعلان ظهر على شاشة فضائيةmbc مصر ، في اليوم الأول من شهر رمضان الكريم، ليثير التساؤلات على مواقع التواصل الاجتماعي، حول من هو زين ؟.

وكشف النشطاء عن شخصية «زين»، التي تناولها الإعلان، وإنها لطفل صغير مصاب بالسرطان.

وكتب أحد النشطاء، يدعى أحمد بلال، «ده زين بتاع الإعلانات، الطفل ده اسمه زين يوسف، متشخص بأسوأ أنواع السرطان وأندرها، وهو سرطان الخلايا الجذعية، ومش بس كدة ده كمان من الدرجة الرابعة، وهو عنده 3 سنين، نوع السرطان دة نادر جدًا ويتم اكتشافه فى الصدر والبطن والعظام والنخاع».

وتابع «وبالرغم أن سن زين صغير إلا أنه بدأ رحلة علاجه الصعبة من كيماوى وعمليات وعلاج بالإشعاع والتجارب السريرية، وبعد لما خلص المرحلة العلاجية الأولية هاجم السرطان مخه بعد شهرين بس، وحاليًا زين مازال يحارب السرطان، وتخيل وهو بيحارب أسوأ أنواع السرطان، زين بيروح المدرسة وبيذاكر ويتدرب تايكوندو ومعاه الحزام الأسود».

وأضاف «الشهر ده زين تم 10 سنين، ومازال فى رحلته وبيحاول، وأهله عندهم أمل كبير، وعمرهم ما حسو باليأس برغم أن زين صغير على مرض خطير زي ده، عشان ميحسش أنه لوحده عملوا الإعلان اللى بنشوفه فى القنوات، شىء عظيم فى الصبر والتحمل على طفل فى سن زين برغم لو عرفت مدى الألم فى علاج زي العلاج بالإشعاع».

وكتبت أخرى، «ده زين يا جماعة، بتاع إعلان زين، اللي كنا بنسأل عليه، هو طفل عنده سرطان الدكتور قاله حط كلمة بكيت في جملة، قال بكيت عندما تخيلت نفسي بدون السرطان».