ثقافة و فنسلايدسوشيال ميديا

مها احمد ترد على هجوم شقيقة احمد السقا ووالدته

مها احمد
مها احمد واحمد السقا

في منشور لها عبر حسابها الرسمي على موقع تبادل الصور والفيديوهات الشهير “إنستجرام” علقت مها أحمد على الهجوم العنيف التي شنته كلا من والدة وشقيقة الفنان أحمد السقا عليها، بعد أن وجهت “مها” انتقادا حادا لنجمين من زملائها لم تذكر أسماءهما، شاركا في دراما رمضان المنقضي.

حيث نشرت مها صورة لخرزة زرقاء، وعلقت عليها: “بحبها وبتفاءل بيها قوى، بتبعد اى عين شريره، بصراحه بخاف من الحسد قوى”.

وكانت مها أحمد، قد فتحت النار على زملاء لها في الوسط الفني لكنها لم تذكر أسمائهم.

وكتبت عبر حسابها الشخصي “فيس بوك”، “عوضي على الله دي الجملة اللي دايمًا بقولها لما اتصدم فأشخاص، الحكاية با سادة نجمين عملوا مسلسل واتنجمت عليهم بنوته لسة ألف باء تمثيل واديتهم على قفاهم وركبت عليهم إلي أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كدة مع أي زميلة لهم اقربها أنا”.

وأضافت: “النجم الأول بيني وبينه عيش وملح وزماله رشحت فمسلسل بطولته وكان بيقنعني بدور ولما وافقت بعتولي دور تاني معرفوش دور متعملوش واحدة مبتدئة، المفروض أنه عارف قيمتي الفنية وعارف اني إضافة له، اتهرب منى وموقفش جنبى وباعنى رغم ان الكل عارف انى زى اخته(ندل)”.

وتابعت، “أما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت ( عوضى عليك يارب) .تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه)”.

بعد ذلك، ردت فاطمة السقا عل منشور مها أحمد عبر صفحتها بـ”فيس بوك” وكتبت: “الكلام ده موجه ليكي يا أستاذة، بدل ما تفضلي تمسحي ردي كل شوية أبهرتيني يا مها بأخلاقك العالية، وبأنك افتكرتى العيش والملح اللى كلتيه فى البيت بتاع الفنان اللي مش عارفة تقولى اسمه بس عرفتى تقولى عليه (ندل) اللي هو أحمد السقا”.

وأضافت: “بس أنا بقولك قدام الناس، قطع لسان أى حد يقول عليه كده لأنه راجل أكرمك ووقف جنبك أنت ومجدى بدل المرة ألف.. وأمير كرارة برضو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان، بس هو أى حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام.. ما بتتقالش في الحقيقة كفايا دراما وتشويه للناس”.

وتابعت: “وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج، الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاى كنتى بتدخلى بيوتنا الصراحة وأنت ست وحشة كده.. نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال”.

كما علقت نادية عبده السروجي، والدة الفنان أحمد السقا على منشور الفنانة مها أحمد، وقالت: “علي الأصل دور كومبارس فاشلة تتطاول وتسب فنانين كبار، وتعلق فشلها عليهم، تبحث عن الشهرة بطريقة بذيئة مهما حاولتي يا كومبارس ليس لكي مكان بين الفنانين المحترمين، وان طلع العيب من أهل العيب ما يبقاش عيب”.

أحمد سمير

أحمد سمير حاصل على بكالوريوس إعلام جامعة الأزهر .. أعمل بمجال الصحافة منذ عام 2015 .. عملت في موقع الشرقية توداي كاتب صحفي .. وصحفي فيديو .. وحاليا محرر صحفي .. عاشق للتصوير والمونتاج والإخراج
زر الذهاب إلى الأعلى