أجاب الدكتور مبروك عطية، الأستاذ في جامعة الأزهر الشريف، على سؤال مهم يبحث عن إجابته العديد من الأشخاص، وهو “هل إضافة جوزة الطيب للطعام حرام؟”.
هل جوزة الطيب حلال ام حرام؟
حيث قال “عطية” خلال بث مباشر على قناته الرسمية على موقع الفيديوهات الشهير “يوتيوب”: “أنا هقول لكم قانون إذا كانت بتتحط على الأكل واللي هياكل الأكل ده هيقول أنا جدع في (إشارة منه للسُكر) فهي حرام “.
وتابع: “إذا كانت بتسكر فهي حرام حتى لو سموها جوزة النبي عليه أفضل الصلاة والسلام برضو حرام” وأكد: “كل مُسكر خمر وكل خمر حرام”.
وأوضح “عطية”: “اللي بيحط جوزة الطيب في الأكل وبيقدمه للناس في عزومة ولا حاجة وبعدين وجد الضيوف يصدرون تصرفات غير طبيعية، ويتملون كالسكارى واللي عاملة الأكل عارفة إنه من جوزة الطيب يبقى حرام”.
وواصل الأستاذ في جامعة الأزهر الشريف: “إما إذا كانوا بياكلوا ويستطعموا وقالوا لها تسلم إيديكي، ومحصلهمش حاجة، يبقى اللي بيقول عليها حرام مجرم”.
مستشهدًا بقول الله تعالى في سورة النحل: “وَلَا تَقُولُوا لِمَا تَصِفُ أَلْسِنَتُكُمُ الْكَذِبَ هَٰذَا حَلَالٌ وَهَٰذَا حَرَامٌ لِّتَفْتَرُوا عَلَى اللَّهِ الْكَذِبَ ۚ إِنَّ الَّذِينَ يَفْتَرُونَ عَلَى اللَّهِ الْكَذِبَ لَا يُفْلِحُونَ”.
واختتم: “تحرم حاجة ربنا محرمهاش تبقى مجرم، مادام بتخلي ريحة الأكل وطعمة كويس، ولا تذهب العقل ومبيقولش كلام غير طبيعي تبقى مش حرام”.
تابع الشرقية توداي على جوجل نيوز 
