أحمد سليمان يهاجم مرتضى منصور بسبب إيناسيو
أعرب العميد أحمد سليمان، المرشح المحتمل لرئاسة نادي الزمالك فى الانتخابات المقرر اجراؤها خلال شهر نوفمبر المقبل عن اندهاشه من دفع رئيس النادي المستشار مرتضى منصور نصف قيمة الشرط الجزائي في عقد البرتغالي أوجوستو إيناسيو المدير الفني السابق للفريق في ظل تأكيده بامتلاكه أوراقا تجعله يتفادى الشرط الجزائي، واصفا هذا بـ”إهدار المال العام”.
وعلق أحمد سليمان على أزمة فسخ عقد ايناسيو مع الزمالك اليوم عبر حسابه الشخصى على موقع التواصل الاجتماعي “فيسبوك” قائلا : علشان تعرفوا احنا قدمنا استقالتنا ليه؟، نزول المدرب إيناسيو من مكتب رئيس الزمالك مساء أمس ومعه مليون و140 ألف جنيه “كاش” في شنطة قيمة شهر ونصف الشهر من الشرط الجزائي لعقده مع الزمالك يثير استفزاز وغيرة كل من ينتمي لنادي الزمالك”.
وأضاف عضو مجلس ادارة الزمالك السابق : “هو مش رئيس النادي طلع وقال أنا معلم ومعايا مستند يخلي إيناسيو ميحصلش على شرط جزائي ومحضرله ملف كامل للاتحاد الدولي علشان احنا اللي ناخد الشرط الجزائي .. طاب يا معلم فين كل الكلام ده .. وبعدين مين اللي خد القرار بإنهاء العقد مع إيناسيو مناصفة في الشرط الجزائي والا وفد السفارة البرتغالية خوفكم .. هو فين مجلس الإدارة؟”.
وواصل سليمان حديثه قائلا : “المثير للدهشة والاستغراب .. هي الفلوس دي كلها جات منين .. في الوقت ده .. هو فين أمين الصندوق .. هي فين الشيكات والبنوك اللي فاتحة في الوقت ده .. والا الناس دي بتتعامل مع فلوس النادي على طريقة :” هاتي يا حجة مليون و140 ألف جنيه من اللي عندك” وفلوس النادي متشالة في أي غرفة من غرف العزبة”.
وتابع : “فين الناس اللي بتراقب وبتحاسب على إهدار أموال النادي بهذا الشكل وعلى الهواء مباشرة .. مش هي دي برضوه فلوس الجمعية العمومية والا فلوس صاحب العزبة”.
واختتم سليمان حديثه قائلا : “عرفتوا احنا قدمنا استقالتنا ليه؟ علشان كده بتشتم رموز ونجوم نادى الزمالك علشان تغطي على احداث وتلعب باسم كبير ونجومه”.
المصدر