بالفيديو| إبراهيم عيسى: «أعضاء حزب النور نصابين.. وكلهم كانوا موجودين في رابعة والنهضة»

قال الإعلامي، إبراهيم عيسى، إن حزب النور بكل قواعده وأعضاءه «كانوا موجودين برابعة والنهضة»، وأنهم «نصابين» ويريدون خداع الشعب.

وأضاف «عيسى»، خلال برنامجه «30/25»، المذاع على قناة «ontv»، الأحد: «هما 15-20 واحد شغالين ينصبوا علينا وبس، سيبكوا بقى من الكلام ده، شغلتهم يطلعوا في التليفزيون يهددوا إبراهيم محلب ويجملو الصورة، عشان يبقى المشهد حلو، وقال يعني كده بقى بتخترق الإسلام السياسى ومش كل الإسلامييين ضدك، ده وهم، وحتى لو كان ادعائاً يوم 30 يونيو و3 يوليو، خلاص انكشف وبانوا على حقيقتهم».

وتابع: «إذا كانت السلطة محتاجه لهم في 3 يوليو علشان تحلى المشهد بدقنين، فهذا لم يعد موجوداً على الإطلاق، خلاص كل شئ إنكشف وأصبح واضح وجلى»، حسب قوله.

وواصل: «إحنا معندناش فوبيا من الإسلام، لكن عندنا فوبيا من هذا المفهوم عن الإسلام، لأن الإسلام لم يأمر بقطع الرقاب وذبح المخالفين، وتيار الإسلام السياسي ظهر لتخريب الوطن العربي، وهو منتج إرهابي بنسبة 100%، ومصر مهمتها التخلص من الإسلام السياسي بشكل نهائي، لنصرة الإسلام».

https://www.youtube.com/watch?v=ECcUmbOqLKA

المصدر

تابع الشرقية توداي على جوجل نيوز