كتبت l أسماء الهادى
بكت المواطنة «ندى» من القاهرة علي الهواء قائلة «أقسم بالله عيالي الثلاثة نايمين من غير عشاء».
وأضافت «ندى» باكية في مداخلة هاتفية مع برنامج «العاشرة مساءً» المذاع على قناة «دريم» للإعلامي «وائل الإبراشي» :«الغلبان أصبح مشلول الدخل، الدخل اتشل وأصيب بشلل رباعي، أنا لدي 3 أطفال وحياة ربنا أطفالي نايمين من غير عشاء، احنا مش لاقين ناكل، أنا بأكل بالسلف والدين، ومديونة وجالي حالة عصبية 24 ساعة بضرب في أولادي من كتر ما بقولهم مفيش، وجوزي مش قادر يشتغل ومفيش شغل أصلا وهيتحبس».
«دي آخرتنا يا ريس نطلع على القنوات نتسول، انزل أشحت بأولادي، أنا بحبك يا ريس ومليش حد غير ربنا وأنت» هكذا وجهت ندى رسالتها للرئيس «عبد الفتاح السيسي» رئيس الجمهورية، مشيرة إلي معانتها الشديدة من ارتفاع الأسعار خلال الفترة الأخيرة وعدم قدرتها على دفع المصروفات الدراسية لأبنهائها الثلاث وإطعامهم واعتمادها على الديون لشراء الطعام لهم.
وتابعت قائلة: «كل يوم أقول يارب، والله لسه مدفعتش مصاريف الدراسة بتاعت عيالي الثلاثة حتي الآن ومتبهدلين في التعليم والصحة وفي كل حاجة».
https://www.youtube.com/watch?v=Wc1A65oJwdA
تابع الشرقية توداي على جوجل نيوز 
