كتب | أحمد حامد دياب
منذ فترة طويلة لم تشهد ساحات التواصل الاجتماعى مساجلات بين مشجعى الأهلى والزمالك ولكن اليوم بعد مباراة القمة الافريقية انهالت التعليقات الساخرة على هزيمة نادى الزمالك .
حيث نشر الكاتب الساخر / محمد عبدالرحمن (شيكابالا دة هيطلع خلية اخوانية نايمة) ,أما بسام محمد نشر مقطوعة شعرية يقول فيها (قف لاهلى وفيه التبجيلا …ده معلم على الزمالك وماكله النجيلة )
من جانبه نشر الناشط رامى حسنى عدة تعليقات حيث قال ,لابد ان يضمن الدستور بنود تحقق للزمالك البطولات هو احنا كفره, واضاف حسين نبيل ,ياعلاء يامقلد فوضناك للقبض علي ممدوح عباس صاحب مشروع النهضة الزملكاوي واخفيه في اي حتة .
ومن جانبه نشر حمدي جمعة قائلاً, دلونى على حاجة شجعها مرسى ونفعت ؟ حتى الزمالك خد اربعة استمرار غلب .
وعن صبر جمهور الزمالك نشر صميدة الفيومى ,الاخواني الزملكاوي اللي لسه مانتحرشي بعد كل اللي بيحصل فيه ده ﻻزم يتعمله تمثال والله..ده ياخد نوبل ف الصبر , وعلق أيضاً ,واحد زملكاوي شتمني بس استحرمت اعمله بلوك..مش هيبقى انا والزمن عليه.
وعلى طريقة المظاهرات المليونية نشر ياسر جبر ,قناة الجزيرة مصممه ان الزمالك فاز علي الاهلي 4/2 , ونشر أيضاً ,نحس مرسي اصاب الزمالك ولعنته تطارد الفريق باهداف بعدد اصابع كف رابعة .
واستمر جمهور العالم الافتراضي في تصدير النكات والصور من الطرفين سواء مشجعي الاهلي او الزمالك تعقيباً علي المباراة اليوم .
المصدر | الشرقية توداي
تابع الشرقية توداي على جوجل نيوز 
