حفيظ الدراجي يثير غضب «الأهلاوية» عبر تويتر ومتابعون : متعب حارقه من أيام مباراة الجزائر

Thoriia Ghoniemسبتمبر 16, 2017 - 23:37

دقيقة واحدة

أثار تعليق الإعلامي الجزائري والمعلق الرياضي بشبكة «بي إن سبورتس» القطرية، على مباراة الأهلي والترجي التونسي، في قبل نهائي دوري أبطال أفريقيا، حفيظة المصريين على مواقع التواصل الاجتماعي بسبب ما اعتبره «استفزازات»، مارسها «الدراجي» من خلال سخرية من الأهلي ولاعبيه ومصر.

وقال أحمد إبراهيم: «واحد زي حفيظ دراجي واضح انه بيكره مصر والمصريين ليه بيخلوه هو اللي يعلق على متشات مصر، نفس اللي عمله يوم ماتش الزمالك والوداد»، فيما ذكر محمد فارس أن «واضح إن هدف متعب القاتل في الجزائر لسه سايب أثر على مخ حفيظ دراجي».

وقال محمد عيد إن «حفيظ دراجي طول الماتش بيقلل من قيمة لعيبة الأهلي.. وبيقول لعيبة الترجي أفضل على الورق»، وأوضحت منة الله: «ضايقني حفيظ دراجي وهو بيقول متعب معدش زي زمان ولا قادر يلف ويكون مُتعب زي زمان وميعرفش لو كان متعب نزل بدري وبيلعب على طول كان هيقلب الماتش».

وأردف أحمد وفيق: «معرفش حفيظ دراجي محروق ليه من متعب مكنش جون جابه فيكوا ف اخر دقيقة يعمل كل ده يعنى».