محمد الشافعى | يكتب :حلمك بيغير الواقع

ناس كتير هتقولك حلم ايه وكلام فارغ هتسمع ده كتير ممكن تسمعه من اقرب الناس لك ، الفكره كلها ان ماحدش هينجح لحد كل واحد بيعمل لنفسه
ليه تصدق شخص مش عاوز يحاول او ممكن يكون بيحاول بس بطريقة غلط حاول وفشل ومفكر الناس كلها هتفشل زيه

ليه تقبل ان يتقال عليك فاشل من غير حتى ما تجرب مره واحده ، مافيش حاجة هتخسرها لو جربت بالعكس يمكن الاستفاده فى التجربة هتكون افيد كتير كفاية انك هتتعلم التجربة فى حد ذاتها هتتعلمها بشكل عملى مش نظرى زى اللى فى الكورسات او فى الجامعة هتقولى افرض حاولت وفشلت ؟

لو مصدق انك هتنجح من اول مرة فـ اسمحلى اقولك راجع نفسك تانى لان النجاح السهل ممكن ينتهى بسهولة برده ، النجاح الحقيقى فى التجربة نفسها والتحديات اللى هتقابلك وتتعلم منها ويكون عندك خبره  مهم تكون عارف كويس ان علشان تحقق حلمك ده مش هيحصل وانت نايم بالعكس المشوار هيكون متعب بالنسبالك لان يوم نجاحك بينسيك تعب الطريق وتعليقات الناس السخيفه اللى مابتعملش حاجة غير انها تتريق على اللى بيحاول يغير نفسه

قولى .. لسه شايف ليه تحلم والحلم كلام فارع

لو اجابتك لا وقررت تحلم ده معناه انك كنت متردد شوية وراجعت نفسك وهتبدأ تشتغل علشان تنفذ حلمك ده

ولو قولت الاجابة .. اه الحلم ده كلام فارغ اعتقد ممكن تكون من الناس اللى جربت قبل كدا وزهقت من النتائج السلبية اللى قبلتها ، وكمان الناس السلبية اللى فى حياتك كتير لان اكيد بتسمع منهم كفاية ونفض وبلاش تتعب نفسك على الفاضى
لو انت ده ممكن تقرأ الكلام تانى جايز تغير رأيك

‏فى النهاية‬

الناس اللى بتحلم عندها علاقات كتير بسبب تحركاته

الناس اللى عندها حلم عندها احساس ان الحياة دى لسبب

الناس اللى بتحقق حلمها كل يوم بتقابل جديد فى الحياة

الناس اللى حققت حلمها هما اللى بيتقال اسمهم فى الكتب والمحاضرات

‫#‏اتمسك_بحلمك‬

مقالات الرأي تعبر عن وجهة نظر صاحبها ولا تعبر بالضرورة عن الشرقية توداي