شككت الإعلامية ميار الببلاوي، في مشهد اغتيال السفير الروسي بأنقرة، معتبرة أنه “تمثيلية تركية” سنكتشف كواليسها فيما بعد، لأن هذا المشهد غير متناسق أو متكامل.
تابعت “ميار” تصريحاتها خلال برنامجها “جراب حواء”، الذي يُبث على شاشة قناة LTC الفضائية، قائلةً “أنا مش عارفه هو بيعمل إيه! هو بيمثل مشهد فاكس بصراحة، أنا حاسة إن بعد ما الشوت ده ما هيخلص السفير هيقوم بقى، ويقوموا ماشيين وخلاص، بكرة الأيام هاتكشفلنا ملابسات هذا الحادث المفتعل، وتلاقوا إن اللي بقوله صح، مش عارفه إزاي الناس تتقتل وماينزلش منها دم، ومافيش أي أثر، ويقع مرة واحدة كده، وكل حاجة مرتبة”.
كما انتقدت إمساك السفير الروسي ببطنه عقب إطلاق النار عليه من ظهره، قائلًا “مش عارفين ده مسلسل تركي محبوك، ولا غير محبوك، لأن المشهد كده بتفاصيله وجزئياته، والسؤال اللي بيطرح نفسه هو في حد بيضرب بالنار من غير ما ينزل دم؟ طيب هو ضربه في ضهره، يمسك بطنه ليه”.
تابع الشرقية توداي على جوجل نيوز 
