موجة من السخرية على صورة علي غزال مع ابنته.. وتعليق مؤثر من اللاعب
كتب | أحمد الدويري
تعرض اللاعب المصرى «علي غزال»، لاعب نادى فانكوفر الأمريكى لموجة من تعليقات الساخرة بسبب اختلاف لون بشرته عن ابنته الصغيرة، وذلك بعد نشره صورة له معها احتفالاً بعيد ميلادها.
وكانت ردود الأفعال عكس ما توقع فبدلاً من التهاني والأمنيات بحياة سعيدة لابنته تقابل بموجة من العنصرية غير المبررة، وقابل غزال ذلك بتعليق قوى على حسابه بموقع التدوينات القصيرة تويتر.
علي غزال يرد على السخرية
وكتب على: «الحقيقة أنا مش بزعل من أى تعليقات نظراً لأن عقول الناس مش زى بعض لكن للأسف اللى يزعل أن العنصرية اللى قابلتها فى مصر أسوأ من كل الفترة اللى عشتها برة مصر اللى تكاد تكون منعدمة من الأساس! أسف إنما دى حقيقة».
فيما علق له أحمد حجازى لاعب منتخب مصر ونادى ويست بروميتش الإنجليزى، قائلا: كل سنة وليلى طيبة يا عيلوة، وقال الإعلامى الرياضى هانى حتحوت: عيد ميلاد سعيد للأميرة الجميلة. ستكون فخورة بوالدها عندما تكبر.
وعلى الرغم من غضب غزال من التعليقات الجارحة له، إلا أنه عبر عن إعجابه بالدعم الكبير من متابعيه على الجانب الآخر، حيث كتب: من أحلى الصفات اللى فينا معظم المصريين إننا بنبقى فى ضهر بعض فى مواقف كتير وبنقدر بعض والله اللى شفته من الناس من إمبارح نعمة بحمد ربنا عليها رغم والله إنى مش زعلان من أى حد قال حاجة وحشة لكن الاحترام من الناس قام بالواجب! صباحكم كله خير.
Happy 1st birthday my princes Lily❤️😍 pic.twitter.com/YFn4TYKS4z
— Aly Ghazal علي غزال (@AlyGhazal) April 15, 2018
الحقيقة انا مش بزعل من أي تعليقات نظراً لأن عقول الناس مش زي بعض لكن للأسف اللي يزعل أن العنصرية اللي قابلتها في مصر أسوأ من كل الفترة اللي عشتها برة مصر اللي تكاد تكون منعدمة من الأساس! أسف إنما دي حقيقة 🙂
— Aly Ghazal علي غزال (@AlyGhazal) April 15, 2018
بعتذر للناس اللي بعتت لي تهنئة عشان سخنت شوية 😂 لكن بشكركم فرد فرد والله على الكلام الجميل و عقبال لما نفرح بكم و نشوف ولادكم ان شاء الله❤️
— Aly Ghazal علي غزال (@AlyGhazal) April 15, 2018