وقف الدعم عن هذه الفئة.. أعلن الرئيس عبدالفتاح السيسي، إنه قام بتوجيه الحكومة لوقف جميع أنواع الدعم الذي تقدمه الحكومة لأي مواطن يتعدى على الأراضي الزراعية أو الترع أو المصارف.
وقف الدعم عن هذه الفئة
وووفقًا لموقع “مصراوي” أكمل السيسي أثناء افتتاح محطة معالجة مياه بحر البقر: “إحنا كدولة بنحاول نسابق الزمن لتطوير واستعادة كفاءة منشآتنا بالكامل، زي ما شوفتوا الترع وحالها، كان بيأثر على حال الناس، ومتقدرش تستفيد بالمية، الدولة بتقوم بدور، والمواطن عليه دور”.
وأضاف: “لو انتوا النهاردة كحكومة لو راجعتوا الإجراءات اللي اتعملت في الـ 7 سنين، هتلاقوا إن التخطيط كان لغاية 2052، وقطعنا خطوات كبيرة عشان كنا متأخرين، بعض المواطنين تعدوا على منشآت الحكومة، لما تتكلم إن فرع رشيد بيعدي 30 مليون متر مكعب من المية، بعد ما كانوا 80 مليون”.
وتابع: “مش هنقبل كحكومة بده، كل التعدي بتاعة المنشآت والحكومة، وزارة الداخلية والقوات المسلحة، آخد تمام عشان نشيل، إحنا مش هنتحايل على حد، بعد 6 شهور أخد تمام، كل التعديات تتشال وأخد تمام خلال 6 شهور، زي ما أنا بعمل تطبين للترع وإجراءات فوق الخيال”.
شاهد أيضًا: الذهب نزل الأرض.. مفاجأة في أسعار الذهب اليوم الاثنين
واستطرد: “اللي بيتعمل في مصر فوق الخيال، مش هقبل بالتعدي، عايز تغتصب أرض الدولة وأسكت، ده كلام مش مقبول دلوقتي، كان زمان مقبول، حد يقولك انت زعلان، لأ، أنا خايف عليكم، ليه بنعمل كده في نفسنا، ومحدش يزعل مني، انتوا كنتوا بتعملوا إيه، لا لا، 6 شهور وألاقي الجسور متظبطة زي الكتاب ما بيقول، وتتحط المعدات، وترجع زي ما كانت”.
وأضاف “لو محتاج تنزل القوات يا محمد نزل، يقصد الفريق محمد زكي، وزير الدفاع- سواء تعدي على الأراضي الزراعية أو غيره، وبالمناسبة وقف كل الدعم لأي حد متعدي على الأراضي الزراعية أو الترع والمصارف”.
واختتم قائلًا: “زي ما إحنا حاطين 700 مليار جنيه عشان نحسن ونسعد حياة الناس، 6 شهور يا دكتور مصطفى- يقصد رئيس الوزراء”.
تابع الشرقية توداي على جوجل نيوز 
