لم تستطع الإعلامية رانيا بدوى، أن تتمالك نفسها من البكاء الشديد تأثرًا باستشهاد المجند محمد أيمن لدى مداهمة وكر إرهابى جنوب العريش بشمال سيناء، قائلة «محمد تحول إلى أشلاء في ثوانى محدودة مع الانتحارى، ده ممكن يدفع فيه كام؟ ممكن تدفع لبنى أدم فلوس قد إيه، عشان تقوله روح افدى بلدك، ده مابيتعملش إلا لو المعدن كده، الله يرحمك يامحمد، مابنعزيش نفسنا فيك، أنت عايش طول الوقت، وهتبقى فخر لينا ولكل عائلتك ولكل مواطن في بلدك”.
وأضافت بدوي، خلال برنامج ” القاهرة اليوم ” الذى يذاع على قناة ” اليوم”، قائلة “أحب أقول للناس اللى بتدفع عشان تقتل الشباب في الجيش المصرى، المعدن ده مش هتشتروه، والمعدن ده لو اشتريتوا حد تانى عشان يقتله، هيتقتل بس كلنا هنبقى فخورين بيه، وبرضوا هيفضل علمنا مرفوع، وهما عايشين هيرفعوه، ولما يجولنا في أكفان هيرفعوه، ولو قتلتوا حتى مليون واحد”.
https://www.youtube.com/watch?v=AF6swnQh-b4
المصدر
تابع الشرقية توداي على جوجل نيوز 
