أرجعت الإعلامية ريهام سعيد، سبب سقوط نعش الفنانة الراحلة فاتن حمامة، إلى تناول المشيعين للمخدرات، مؤكدة بالقسم : “والله العظيم عشان المخدرات”.
وأوضحت، “ريهام” في حلقة أمس من برنامجها “صبايا الخير”، المذاع عبر فضائية “النهار”: “أستاذ عمرو أديب وهو بيتكلم على جنازة الفنانة، سيدة الشاشة العربية فاتن حمامة الله يرحمها، كان قبليها بيوم على طول جايبين فيلم، مش فاكرة قناة إيه، cbc2، عشان تعرفو إن أنا روحي رياضية وبتفرج على القنوات التانية اللي بتكرهني، نهر الحب، وبقول ياه قد إيه الست دي جميلة وعظيمة، عمرو بقى طول ما هو بيتكلم بيقول إيه، إيه اللي حصل، ليه الست دي النعش بتاعها يقع، وليه نهد الجامع واحنا نازلين، وليه الموبايلات تطلع في جنازة، المفروض إن احنا نتشهّد، كنت عايزة أقوله يا عمرو عشان المخدرات، والله العظيم عشان المخدرات”.
وأضافت ريهام: “ثلاثة ارباع الناس دي واللي بتصلي كمان بتاخد مخدرات، والله العظيم، ما هو أنا عشان أشوف نعش جي، بدل ما أوسعله أروح عليه أكثر وأشوف النعش بيتحرك هيقع وأزنق أكثر وأزق أكثر وأبقى في كل ده بطلع موبايل.. أنا كنت عايزة أقول لعمرو أديب يا عمرو المخدرات بوظت كل حاجة، بقت عاملة انعدام بالشعور بأي حاجة.. حتى الموت”.
https://www.youtube.com/watch?v=7PYTslktwHg
المصدر
تابع الشرقية توداي على جوجل نيوز 
