أكد الاعلامى أسامة كمال ، ان كل وعود الرئيس عبدالفتاح السيسى منذ ان كان وزيرا للدفاع وصولا الى فوزه برئاسة البلاد تحققت بنسبة 100%.
وأضاف كمال خلال برنامج “القاهرة 360 ” المذاع على قناة “القاهرة والناس”، أن الشاهد الأخير على وعود السيسى هو حفر قناة السويس والتى بحسب التقديرات سيتم الانهاء من حفرها بالكامل قبل شهر من الميعاد المحدد إلا حاجة مهمة مقدرش الرئيس السيسى يلتزم بيها والسبب وزارة العدالة الانتقالية اللى سابت نفسها للأحزاب عشان يحطوا معاها قانون الانتخابات.. هل لأن الحكومة مش مستعجلة تعمل انتخابات البرلمان.. جايز. هل لأن الأحزاب مش عايزة انتخابات من أصله ممكن”.
وتابع كمال .. إنما الواضح إن عشان صاحب المصلحة مش موجود فضاع على الرئيس فرصة انه يحافظ على شباكه نظيفة، لأن لما الرئيس أمر بالانتهاء من القانون خلال شهر بدأ نهاية فبراير فكانت وزارة العدالة الانتقالية والحكومة كلها والأحزاب اللى بتجتمع مع الحكومة لازم يفهموا معنى أن أول مرة الرئيس يعتمد على القوى السياسية فى الإنجاز، فمحصلش إنجاز.
واستطرد قائلا .. غالبا لأن مفيش مستفيد، الحكومة بتقول الانتخابات قبل رمضان ومحدش قال للحكومة، الانتخابات قبل انهو رمضان وانتخابات ازاى والامتحانات هتبدأ في مايو والثانوية العامة هتخلص فى رمضان.. واخيرا نجحت الحكومة والأحزاب السياسية فى اللى مقدرش الإخوان يحققوه.. نجحوا انهم يأخرونا.
المصدر
تابع الشرقية توداي على جوجل نيوز 
