كتب | شادي زعبل
أعلنت أسما شريف منير، خبر انفصالها بشكل رسمي عن خطيبها الفنان محمود حجازي، وذلك خلال تدوينة طويلة كتبتها على صفحتها الشخصية بموقع التواصل الاجتماعي “فيس بوك”.
وقالت “إسما” خلال التدوينة: “طيب الموضوع اتقال فيه كلام كتير، وأنا بعترف إني سبب اللخبطة دي، الرجالة مبتعملش الحاجات اللي إحنا كستات بنعملها، اللي هو أزعل انزل بوست ألقح بيه عليه، قال يعني مش ليه وكل الرجالة بتكره الحركة دي، وأنا بس دلوقتي بعترف إنهم عندهم حق، غير بقى إني بنسى موضوع الأخبار ده، فى التلقيح أو كلام الزعل بالنسبة لي ينتشر، وكل حد بيقول رأيه بكل قسوة”.
تابعت “اسما”: “الموضوع فعلًا في الآخر اتنين حبوا بعض وارتبطوا قدام الناس كلها، ومشينا في مشوار خطوبتنا زي أي اتنين، كبرنا مع بعض وبِينَا حاجات كتير حلوة، وبرضه زي أي اتنين حصل بينهم مشكلات وطبعًا انتوا عارفين التسرع الله يخرب بيته فلما كان في عدم اتفاق من فترة نزلت بوست ومسحته على طول عشان كان وقت عصبية وكان لسه في أمل بس من ساعتها وفي توتر”.
“الناس قالت كلام كتير وحش وكملنا واكتشفنا أنه في عدم اتفاق مش عشان إن حد وحش ولا موقف ولا حاجة لحد ما أخدنا القرار بس مكناش اتفقنا على إعلان ده إمتى فأنا نزلت وأعلنت ده بس في توقيت غلط مني بكل صراحة أنا لازم أكون أمينة في ده”.
وفي النهاية كتبت: “عمومًا هو محصلش نصيب بس إحنا بنحترم بعض، حجازي إنسان محترم جدًا وبتمنى له السعادة والنجاح إحنا بِنَا عشرة طيبة ونجاحات وحب وأكيد خير لينا، هو ده الموضوع بكل بساطة، ممكن بقي منتكلمش فيه تاني لو سمحتوا، أنا اتعلمت درس كبير إن الخصوصيات مش للنشر والحسد برضه مذكور في القرآن لسبب، الحمد لله بس كدة”.
وصايا شريف منير لخطيب ابنته محمود حجازي
كشف الفنان شريف منير عن طلبات وشروط وضعها لمحمود حجازي خطيب ابنته أسما، عند تقدّمه لطلب يد ابنته.
أما عن علاقة أسما ومحمود ومتى بدأت؟ فأجابا على هذا السؤال لنفس البرنامج، فقالا إنهما تعرفا على بعضهما منذ عام ونصف، وكانا في البداية أصدقاء ضمن مجموعة كبيرة، وبعدها تطور الأمر معهما ليبدأ الحب، التفاصيل من هنا.
تابع الشرقية توداي على جوجل نيوز 
