كتبت | أسماء الهادي
مع ظهور نتيجة الثانوية العامة لهذا العام، تدخل الكثير من الأمهات في حالة من الغضب والسخط، مع تحول جو البيت إلى ما يشبه المأتم بسبب رسوب أحد أبنائها في امتحان الدراسة، ولكن يوجد بعض منهن ينظر لذلك بجانب أخر على أنه ما بين اكتساب خبرة ومستقبل مظلم.
«الثانوية مش نهاية الكون» هكذا عبرت «جيهان ماجد» آحد الأمهات عبر مواقع التواصل الاجتماعي بعد رسوب ابنها فى الثانوية العامة لهذا العام قائلة:« ابني لأول مرة في حياته بعد تفوق كبير علي مدار سنوات الدراسة كلها يسقط في سنة دراسية، أنا مقدرة جدًا إني جبته م الدار للنار وغيرتله حياته كلها».
وأضافت أنا مش زعلانة عشان سقط أنا زعلانة علي الفلوس اللي صرفتها طول السنة مصاريف مدرسة ودروس وملازم ومواصلات وخلافه سقط في أربع مواد منهم تلاتة مش داخلين في المجموع أصلا بس فيهم نسبة نجاح وسقوط في نظام تعليمي.
وعبرت عن ذلك بسخرية قائلة: «يارتني عملتله عربية كبدة وسدق بالفلوس دي».
من جانبه قامت بتهنئة الناجحين بالثانوية العامة قائلة: «مبروك لكل اللي نجحوا وهارد لاك لكل اللي هيعيدوا مش نهاية العالم يا ولاد صدقوني، أنا مش عايزاك تزعل بس عايزاك تتعلم من الدرس وتشوف أخطائك فين ومتكررهاش الفشل بداية نجاح حقيقية الثانوية العامة مرحلة من حياتك مش هي حياتك كلها».
كما أوضحت قائلة: «الناس اللي بيبعتوا من الصبح يسألوني عمل إيه شكرا جدا لسؤالكم والناس اللي حاطين عيالهم في وضع مقارنة مع إبني ومع عيال أي حد يعرفوه عموماً وشغالين مسجات ريحتها كلها شماته وفضحاهم»، مضيفة أنا هفضل فخورة بابني في كل الأحوال وعمري ما هقارنه بحد في أي حاجة كفاية بس إن اللي بيقعد مع ابني بيقولي عرفتي تربي شجعوا عيالكم لما يوقعوا وخدوا بايديهم
تابع الشرقية توداي على جوجل نيوز 
