مقالات القراء

إزاى تولع فى نفسك من غير ما تحس ؟!

163748 489179525778 521575778 6510058 119910 n
أحلى حاجة فى الشعب المصرى التقليد
وإنه مبيعرفش يكون مبدع فى المطالبة بحاجة ولا فى الانتحار
بس بما إننا هنقلد بقى يبقى نقلد ونفبرك صح
ونتعلم من تجارب غيرنا واخواننا التوانسة اللى غلطوا فيها ..
مثلا يعنى قرر المصرى انه يولع فى نفسه فى يوم من الأيام
عشان الولعة تجيب نتيجة ويقدر يتهنى بيها بعد كده
وميكونش اتكل على الله قبل ما عربية الإسعاف توصل للمكان
ولا عربية بوكس تسحبه على أمن الدولة
ويترنله علقة من غير ما حد ينفذله طلباته
لازم يخططلها ويدبرلها كويس
والخطوات كالتالى:-
1- بانر طويل يكتب عليه سبب توليعه فى نفسه ومطالبه الشخصية اللى بيتمناها وياريت يزود مطالب لبقية العيلة
عشان  متبقاش منفعة خاصة تبقى منفعة عامة ولازم وحتما يمضى اتنين موظفين من عيلته انه كان ومازال  فى كامل قواه العقلية
عشان كل ده مش يضيع فى الآخر ويطلعوه مجنون ..
2-  لازم تكون مسلط 3 او 4 واقفين فى البلكونات عشان يصوروا اللى بيحصل فيديو
وواحد يعمل جروب ع الفيس بوك يسيطك فيه وإلا كل ده هيروح فشوش
3- الإتفاق مع اتنين سواقين تاكسى وإمدادهم بالمعدات المطلوبة  من طفايات حريق
وبطاطين وخريطة للمكان اللى حضرتك هتولع فى نفسك فيه وشنطة الإسعافات الأولية اللى محدش بيشيلها معلش خليهُم يشيلوها يوميها
منضمش الظروف برضو هيعرفوا يطفوك ولا ايه اللى هيحصلك
عايزين نبقى مأمنين نفسنا كويس ونطلع بأقل الخسائر
4- الجماعة عندك فى البيت لازم تلبسهم إسود وياريت جلبيات مقطعة ويتصوروا يوميها وهما بيصوتوا عليك
عشان نوضح المأساة كويس كأنهم ميعرفوش يعنى انك كنت هتعمل كده ..
5-خد مسكن ورش على جلدك سبراى مخدر عشان متحسش
6- الاتفاق مع أحد الصحافيين الغلابة اللى محدش بيسمع عنهم على المكان ويكون أول واحد يصورك
وبكده تبقى فرقعت فى الإعلام كله وطلعت إسم الصحفى معاك
وحققت كل أمانيك وأمانى ناس كتير معاك..
تمت  العمليةبنجاح وبكل بساطة ومن غير أى عذاب
ولا إراقة دماء ولا ازازة ميكروكرون حتى
مع تحيات
إيمان النجار
للحرق السريع

زر الذهاب إلى الأعلى