كتب | شادي زعبل
حرصاً من موقع الشرقية توداي على تقديم كل ما هو متعلق بشهر رمضان الكريم 2019 لكل المتابعين ننشر لكم 30 وجبة إفطار على مدار الشهر بها كل الأكلات التي نشتهيها .
ونقدم طريقة عمل وجبة إفطار يوم 19 رمضان 2019 طاجن ورق عنب وحمام محشي.
طاجن ورق العنب :
-4 كيس ورق عنب جاهز كيلو
-3 طماطم مبشورين
-واحده كبيرة فلفل رومى مقطعة
-قطع ستيك أو ريش متبلة قبلها ببصل وفلفل أسود وصويا صوص وخل عنب أو خل عادي
-2 بصلة كبار
-ربع معلقة توم مفروم
-نص ربطة من شبت وبقدونس وكزبرة
-معلقة كبيرة نعناع
-2كوب أرز مغسول ومتصفي
-معلقة صلصلة
-معلقة كبيرة خل
ربع معقله كاري
-2 مكعب مرقة
-3 حبات حبهان
-3 ورقات لورا
-ملح وفلفل
-زيت كتير حوالى نص كوب
طريقة تحضير طاجن ورق العنب :
1- هتبشرى البصل وتضيفي ليه الطماطم المبشوره والفلفل الرومي والخضرة المقطعة والتوم وفلفل أسود وملح بس مش كتير عشان مكعبات المرقة والزيت والصلصة والرز.
2-هتحطي ورق العنب الجاهز فى ميه دافية وتفككيه من بعضه وتحطيه على مصفى أو أفردى فوطة على صنية وحطي عليها ورق العنب فى فوطه حطي فوقيه فوطة تانية.
3-وابتدى احشى ورق العنب ولفيه بحيث يبقى ماسك نفسه وحجمه صغير حطي عروق الخضرة فى الطاجن أو الصنية اللب هتعملي فيها.
4-وحمري قطع الستيك أو الريش فى قطعة زبدة على النحيتين وطلعيها وحطيها فوق عروق الخضرة وابتدي رصي ورق العنب فوقيها.
5-أغلي شوربة على النار وضيفي ليها 2 مكعب مرقة لحم و2 ورقة لورى و3 حبات حبهان وعصير 2 ليمون وضيفيها لورق العنب بحيث توصل لبعد النص بشوية.
6-حطي طبق أو أى تقل على ورق العنب وغطيه ودخليه فرن سخن على 180 درجة فى الفرن من تحت خالص لحد مايشرب شوربته وطبعا ماتسيبهوش للآخر عشان مايتحرقش.
حمام محشي :
-حمام
-ملح
-فلفل اسود
-حبهان
-وزرق لور
-بصل
-أرز
-سمن بلدي
طريقة تحضير الحمام المحشي
1-نجيب حمام ونغسله كويس ونقوم بنقعه فى ماء وخل لمدة نص ساعة وبعدين نشطفة وبعد الشطف نجهز ملح وفلفل + حبهان ونطحنه مع ورق لورا.
2- وبعدين نتبل الحمام بهذه التوابل مع ملحوظة فصل جلد الصدر بالراحة ونتبل لحم الصدر من تحت الجلد ونتبل الزور وممكن
ننزع عظم الزور أو نسيبه.
3-يلا نبدا الحشو نغسل الأرز كويس وتقطع علي بصلة ونتبله بملح وفلفل ونضع عليه سمن بلدي الحمام يحب السمن
ثم نحشب الحمام من البطن والصدر والزور .
4-وبعدين نكتف الحمام كالتالي ندخل أول رجل فى مؤخرة الحمامة ثم نضع الحمام فى ماء مغلي عليه بصلة وتوابل وملح وفلفل ونسويه من 45 إلي 55 دقيقة بس نوطى النار فى الاخر وبعد السلق نخرجه وندهن الحمام بطماطم وليمون ويتحمر في السمن البلدي .
تابع الشرقية توداي على جوجل نيوز 
