ثقافة و فن

الرداد يلبي دعوة طفل مريض بالسرطان و يضمه لفريق عمله برمضان 2018

43190 حسن الرداد اثناء زيارته للمستشفى

كتبت | ثريا غنيم

فاجأ الفنان حسن الرداد العاملين بمستشفى 57357 بزيارة لطفل مريض بالسرطان بعدما عرف عبر موقع الفيسبوك برغبة أحد الأطفال في رؤيته .

نشر الرداد عبر حسابه الرسمي على موقع الصور والفيديو انستجرام فيديو له من داخل مستشفى 57357  أثناء زيارة الطفل ، وقال : «النهاردة روحت مستشفى ٥٧٣٥٧، بعد ما كلمنى صديق ماشفتوش من ٧ سنين اسمه خالد الشرقاوي ، و قالى ان فى طفل اسمه محمد ، بيحبك جدا و عايز يشوفك ،لما روحت و قابلته شفت ولد ماشاء الله زى القمر، ذكى جدا ، فاهم فى حاجات كتير أكبر من سنه و بيحتوي اللى حواليه، دمه خفيف جدا وموهوب، لماح بشكل مش طبيعى أتكلم معايا فى حاجات كتيرة أنا مش عارف هو فاهم فيها ازاى، ماشاء الله عقله أكبر من سنه بكتير تحس أن عنده ٢٠ سنه و اكتر ،انا اتعلمت منه حاجات كتير النهاردة ، اتعلمت الإيمان و الصبر على الابتلاء و مواجهة المشاكل بالابتسامة و الرضا الشديد بقضاء ربنا و الطاقة الإيجابية اللى بيديها لكل اللى حواليه، اللى كان مزعله بس ان الأطفال فى المدرسة لما عرفه انه تعبان كانوا بيتريقوا عليه ان دى قلة أدب، يا محمد انا بحبك جدا جدا، ربنا يشفيك يا حبيبى انت و كل اطفالنا و ان شاء الله هتيجى تمثل معايا فى رمضان زى ما وعدتك، و شكرا على الهدية الجميلة دى، هجيلك تانى قريب».

أستطرد حسن قائلًا : «يا ريت كل واحد يتبرع بجزء من وقته لاطفالنا الجمال دول عشان ده شئ كبير جدا بيهون عليهم القعدة بتاعتهم فى المستشفى».

 

 

زر الذهاب إلى الأعلى