كتبت : سمر فريد
وجه الرئيس عبد الفتاح السيسي التحية لشباب مبادرة« أسمعونا» لتنمية القرى الأكثر احتياجًا فى مصر , قائلاً عبر صفحاته بموقعي التواصل الاجتماعي« فيسبوك وتويتر» أتوجه بالتحية و التقدير للمجهود المبذول من شباب مبادرة «أسمعونا » في تنمية القري الاكثر إحتياجا نموذج محترم لشباب مصر.
من جانبها وجة صفحة المبادرة عبر فيسبوك تحية لرئيس قائلة: عارفين لما 50 شاب وشابة ينزلوا من بيوتهم على مدار شهور عشان يبنوا في البلد بعيدا عن أي حسابات سياسية .. عارفين لما يجمعوا الحكومة مع منظمات المجتمع المدني مع المؤسسات الخيرية مع المبادرات الشبابية عشان خاطر بني آدمين ما تعرفهومش .. طب عارفين ضحكة طفل رجعتله بعد ما رجع المدرسة .. ودعاء أسرة بعد ما بقت تعيش في بيت محترم وناس بتيجي تمحو أميتهم وقوافل طبية بتنزلهم عشان تعالجهم مجانا ومشاريع صغيرة بتتوزع عليهم .. طب تعرف بقى لما ما تبقتش منتظر شكر من أي حد عشان شعارنا هي لله بس تفاجأ بتحية زي دي من الرئيس عبد الفتاح السيسي شخصيا.. سيادة الرئيس .. باسم كل الدعوات والابتسامات والفرحة اللي كانت في عيون مواطنين مصريين بسطاء.. بنشكرك على التحية .. وبنوعد بلدنا مانقصرش في حقها لوجه الله أولا وأخيرا ,مكملين , وشكرًا سيادة الرئيس.
المصدر | الشرقية توداى
تابع الشرقية توداي على جوجل نيوز 
