“مينو” مصور محترف ومتخصص في صور الزفاف والخطوبة ، ودائماً ما يميزه عن غيره هو التفكير خارج الصندوق، فالصورة بتطلع غير كل الصور التقليدية .
مينو ليس مصور فقط لكن يعتبره الكثير مؤرخ اللحظات السعيدة فبعينه الثالثة ولحظاته الإبداعية يسجل التاريخ للكثير والكثير من عشاقه، محمد مينو حقق نجاحاً وتميزاً وإبداعاً متغلباً على كل الصعوبات التي واجهته وكان للشرقية توداي هذا الحوار معه :
احكيلنا ازاى بدأت مشوارك وهل فيه صعوبات واجهتك ؟
بدأت التصوير كهواية من سنين، ثمّ عملت على تطوير الكاميرا مع الوقت ونجحت بفضل ربنا وبفضل تشجيع الناس المستمر لصورى .
ازاى بتقدر تصور الفرحة فى العيون ؟
انا بكون معاهم على طبيعتى عشان اقدر ادوب الكسوف اللى بيبقى موجود وبعاملهم بطريقه مرحة فالخجل بيروح تدريجيا وبدقر القط الصورة الجميلة واللى هما بيكونوا فى الأصل منتظرينها.
ما هو السر وراء الشهرة الواسعة التي حققتها خلال هذه الفترة القصيرة؟
أقدر أقول السر هو قبول ورضا من الله ثم للاجتهاد فى الشغل دايماً بيكون تركيزى على أخذ الكادرات الصحيحة وقت التصوير وبقيت عارف العروسة بتبقى عايزة تطلع ازاى فى صورها، بالإضافة إلى إنى اعتمدت على جانب تسويق شغلى بنفسى من خلال مواقع التواصل الإجتماعى خاصة الفيس بوك والحمد لله ناس كتير أبدت إعجابها بشغلى وده كان حافز كبير ليا إنى أكمل واستمر وأقدر أسعد الناس .
ما هي نصيحتك لكلّ عروس أو فتاة ستختار عدستك لتصويرها؟
بحب أقول لكل عروسة مبروك لكي وعشان تطلع صورك حلوة خليكى على طبيعتك ولا تصطنعي .
لو قولتلك وجه كلمة لجمهورك الشرقاوي تقوله إيه ؟
شكراً لمحبتكم وأتمنى أن أكون عند حسن ظن كل شخص بيحبنى من جمهور الشرقية وربنا يرزقكم بالحب الحلال ويوفقكم
لمشاهدة صور مينو كاملة اشتركوا فى صفحته على الفيس بوك >> اضغط هنا
تابع الشرقية توداي على جوجل نيوز 
