حادثة إهمال جديدة في الجامعات، توثق حالة الإهمال الذي يشهده قطاع التعليم في مصر سواء الحكومي أو الخاص.
يارا طارق نجم، الطالبة بالفرقة الأولى كلية الهندسة بالجامعة الألمانية، دهسها أحد الأتوبيسات التابعة للجامعة عن طريق الخطأ، مساء الاثنين.
ويروي الطالب أحمد شريف كمال، أحد شهود العيان على الواقعة: «مش هنسي منظر البنت وهي مرمية على الأرض وغرقانة في دمها، مش هنسي منظر السواق اللي خبطها وهو نازل يلطم على دماغه، وقاعد على الأرض بدل ما يتحرك بسرعة ويلحقها، مش هنسي منظر معظم السواقيين وردهم عليك بكل برود (نعمل إيه احنا كلمنا الإسعاف) وبكل برود الريس بتاعهم يقول لكل سواق يمشي بالباص بتاعه».
وتابع: «الناس مبقتش بتحس وبقى العادي والطبيعي إن كل يوم يموت شوية بالكوم، الموضوع مبقاش غريب أو صعب، يارا ماتت بسبب إهمال من أصغر موظف لأكبرهم، للأسف كلنا كام يوم وهننسى، والحياة هتكمل عادي، وهنسيب الحزن ده لأهلها، ربنا يرحمها ويجعل مثواها الجنة».
ونُقلت «يارا» للمستشفى الجوى بشارع 90 بالتجمع الخامس، إلا أنها توقت عقب وصولها المستشفى، وأعلنت صفحة اتحاد الجامعة، أن صلاة الجنازة ستقام بعد صلاة الظهر في مسجد السلام بمدينة نصر.
الواقعة أثارت انتقادات مستخدمي «فيس بوك» لإدارة الجامعة، ودشنوا هاشتاج «#يارا_طارق»، وقالت خلود الهلالي: «الحكاية إن أنا في جامعة كل همها الفلوس، المهم اشتركت في باص الجامعة، وأنا مروحة باص تاني خبطني، عشان دمنا رخيص».
فيما أرسلت إدارة الجامعة «إيميل» لطلاب الجامعة قدمت فيه «أسفا للواقعة»، الأمر الذي رد عليه الطلاب بقولهم: «أسفين لتعبكم معانا»، وقال عمر خالد: «بعد إعلان وفاة، الإدارة بـكل برود (إحنا ممكن نعملكوا إيه)».
دماء يارا طارق نجم على الأرض.
وبدورهم نظم الطلاب مظاهرة بالجامعة الألمانية تنديدا بمقتل يارا طارق نجم.
بعد دفن يارا طارق نجم
المصدر
تابع الشرقية توداي على جوجل نيوز 
