طالب الإعلامي عمرو أديب، بإلغاء مجانية التعليم الجامعي، قائلًا: «اللي عايز يخش الجامعة يشتغل، أنت مش أحسن من الشاب الأمريكاني أو الإنجليزي، تشتغل وفيه فلوس تخش الجامعة بعرق جبينك ويكون فيه تعليم راقي».
وقال «أديب»، خلال برنامجه «القاهرة اليوم»، على قناة «اليوم»، مساء الثلاثاء: «أنا عايز الجودة مش الكمية، لازم طريقة التفكير في مصر تتغير، أنا آسف بما إنك مابتفهمش وقدراتك ماتنفعش في الجامعة، ماتدخلهاش، أو تبقى متفوق أو راجل في التكنولوجيا غير عادي، هو دا الطريق إلى الجامعة، إنما بالتنسيق 20 ألف واحد بمدرج تجارة إنجلش كل سنة، بيعملوا إيه دول».
وتابع: «التعليم الجامعي في حالة زي الزفت، كليات الطب الخاصة من أول مايدخل لغاية مايخرج مابيشوفش عيان واحد، وبعد كده نقول أخطاء الأطباء، وليه الست دي ماتت، علشان الباشا خدها بالفلوس».
http://www.youtube.com/watch?v=6JmNgAZ8RaQ#t=2943
المصدر
تابع الشرقية توداي على جوجل نيوز 
