هاجمت الإعلامية ريهام سعيد، مقدمة برنامج “صبايا الخير”، على قناة “النهار”، إحدى السيدات العاملات في جمعية الأورمان، لإرسالها رسالة إلى زوجها على “فيس بوك” كتبت فيها “الفنانة الإعلامية الكبيرة القديرة، ريهام سعيد مقطعة نفسها وبتستغيث وبتناشد كل أهل الخير عشان تنقذ أطفال وتعملهم عمليات قلب في تركيا، وعشان دموعك غالية علينا قوي الحمد لله في جهة عاوزة تتكفل بكل حاجة العمليات هتتعمل في أحسن مستشفيات مع أحسن دكاترة، هل ممكن ألاقي حد ليه دلال على النجمة ويقولها توفر دموعها وتجيب الأطفال عشان نحدد مواعيد العمليات”.
وقالت “سعيد” تعليقا على الرسالة: “لو البوست ده وصلي، وهو وصلي لأن الحمد لله صحبتك بتاعت جمعية الأورمان وجبت معاكي، وبعتتلي البوست، أنتي كدة عايزة تعملي خير، هي دي اللغة اللي أنت اتعلمتيها في بيتك، اللي أهلك علموهالك عشان تعملي خير، أنا مقطعة نفسي ودموعي، يعني أنت بتتفرجي على برنامجي، بتابعيني ليه، ولو أنا مقطعة نفسي ودموعي، أنت مالك”.
وتابعت: “أنا لما بكيت بكيت عشان إحنا فقدنا طفل اللي كان المفروض يسافر، إذا كنتي أنت معندكيش دم إلى درجة إن أنتي مش حاسة إن أنا قعدت مع الولد ده ووعدته إنه يسافر ويبقى كويس، وملحقتش أسفره، أنت شايفة إن الولد ده ميستحقش إني أقطع نفسي، يعني أنا مش عارفة أنا قطعت نفسي فين ولا خدت كلينكس من بيتكوا عشان أمسح دموعي بيه ولا إيه”.
https://www.youtube.com/watch?v=PhhP-lZEmQ0
المصدر
تابع الشرقية توداي على جوجل نيوز 
