وجه الرئيس عبدالفتاح السيسي كلمة إلى الأمة، اليوم السبت، عقب الهجوم الذي استهدف عناصر الجيش في منطقة كرم القواديس بالشيخ زويد، ما أدى إلى استشهاد 27 جنديا وإصابة نحو 28 آخرين.
وقال السيسي، في خطابه عقب انتهاء الجلسة الطارئة للمجلس الأعلى للقوات المسلحة، “أنا في البداية بوجه التعزية لكل مصر والجيش على الشهداء اللي سقطوا امبارح بس مهم أوي إن تكونوا عارفين الهدف من العملية اللي اتعملت وأن هناك دعم خارجي تم في هذه العملية، والكلام ده بيتعمل علشان يكسر إرادة مصر والمصريين والجيش المصري باعتباره عمود مصر”.
أضاف “هو انتوا يا مصريين نوين تنجحوا وترجعوا الدولة مره تانية وبتتحركوا فى كل الاتجاهات وعاوزين تنجحوا انتبوه يا مصريين لكل اللي بيحاك لنا ولك ده كنا متوقعينه من قبل 3-7 واحنا عارفين إن ده مشوار إحنا هنمشيه وأمر هنقابله وكنا بنقول يا إما هيقابله المصريين أو الجيش وقولنا الجيش هو اللى يقابله واوعوا تفتكروا إن سقوط أبناء مصر مش بيوجعنا، مصر تخوض حرب وجود ده معناه يا مصريين إننا على قلب رجل واحد نزعل آه نتأثر آه لكن نكون عارفين أبعاد المؤامرة التي تحاك ضدنا”.
وتابع “أنا مش بقلق على أي حاجه أنا بخاف عليكوا انتو يا مصريين وطول ما المصريين عارفيين، مصر مش هتسقط بفضل المصريين وكل التحديات الموجوده تهون طالما الشعب المصرى منتبه وهو مع الجيش والشرطة كده، هو حد هيخش بين الشعب المصري والجيش وأجهزة الدولة وهيلخبطه هو ده الخطر الحقيقي إننا نكون شايفين التحدي.. إعادة الدولة المصرية إلى مكانتها ويزيد”.
وأشار إلى أن “ده مش سهل ده عاوز صبر ومعانا وفي دم وكلنا هندفع بس علشان خاطر بلدنا ومحصلة العمل خلال الشهور اللي فاتت ضخمة جدا حتى في الإرهاب يسقط كتير في اليوم بالعشرات، في إرهاب بيتم منذ عدة شهور والمئات من الإرهابين تم تصفيتهم إنتوا عارفين سيناء كانت هتكون عاملة إزاي، إحنا كلنا ثانبتين وراسخين، محدش يقدر يدخل بين الشعب المصري ووحدته وقيادته وهو الخطر الحقيقي انهارده وامبارح أخدنا إجراءات ولا بد للمنطقة بينا وبين الحدود مشكلة رفح والمنطقة الحدودية”.
وأكد “اطمنوا أنا بقول للمصريين اطمنوا ودايما تكونوا عندكوا أمل في الله سبحانه وتعاله وثقه فيه وفي أنفسكم إن شاء الله سيكون إذا أفضل لأن الهدف هو البناء وليس الهدم والقصف ومرة تانية البقاء لله وتعزيتى مش لأهالى الشهداء التعزية لينا كلنا كمصريين لأنهم سقطوا من أجل أن تبقى مصر وستبقى مصر إن شاء الله.. تحيا مصر.. تحيا مصر.. تحيا مصر”.
https://www.youtube.com/watch?v=tKJ9Q6xakgY
المصدر
تابع الشرقية توداي على جوجل نيوز 
