بالفيديو .. والد الطفل إيلان يتعجب من أسئلة ريهام سعيد: «إنتي ما بتشوفي الإنترنت»

ريهام سألته، خلال مداخلة هاتفية: «إنت إسمك إيه أنا معرفش الاسم»، ليرد عليها والد إيلان: «اسمي عبدالله ياستي»، لتعاود ريهام وتسأل: «كنت هتدخل إزاي بعد هروبك من سوريا، يعني هربان ولا قانوني؟»، ليرد عليها: «كان الدخول سيتم بمراحل كما فعلت أثناء هروبي من اليونان».

لتعاود وتسأله ريهام: «هي مراتك فين، هو حضرتك فقدتك مراتك كمان؟»، ليرد «أيوة ماتوا يا ستي»، لتعاود ريهام وتسأل: «يعني ماتوا وسبتهم في المياه يعني جثثهم كانت طافية حوليك؟»، ليرد عليها «عبدالله»: «أيوه ماتوا كلهم بس أنا بعدت عنهم، ولكن سمعت صوتهم».

لتبدأ ريهام سؤالها عن سبب السفر والهجرة من سوريا لتقول: «هي داعش بتقتل الناس ليه؟»، فقال: «يعتقدون أن الناس كفار بيقولوا الله أكبر ويدبحوا الشخص»، فسألته ريهام: «هو إنت كافر أو مسيحي إنت سمك عبدالله؟»، فرد: «أنا مسلم واسمي عبدالله وأعرف ديني جيداً أكثر من أي حد تاني».

لتعاود ريهام وتسأل: «طب إنت كافر ليه من وجهة نظرهم»، ليرد عليها: «إساليهم هذا السؤال وهم سيردون عليكي»، وتابعت ريهام أسئلتها قائلة: «أنا هشوفهم فين، أنا عايزة أعرف منك هي داعش بتدبح أطفال؟»، فرد قائلًا: «والله يا أختي إنتي شكلك مبتفوتيش على الإنترنت ما تشوفيش شيء عشان تعرفي جرائمهم أنا قتلوا من عائلتي 13 شخصا بينهم الأطفال والنساء الحوامل».

المصدر