علي غزلان يتعرض لهجوم كبير بسبب وفاة مصطفى حفناوي
تصدر أمس اسم اليوتيوبر مصطفى حفناوي، مواقع التواصل الاجتماعي، فور إعلان خبر وفاته بجلطة دماغية، واليوم استقبل صديقة علي غزلان هجوم كبير بسبب بوست قام بنشره عبر صفحته الشخصية.
علي غزلان
هاجم عدد من رواد مواقع التواصل الاجتماعي، اليوتيوبر علي غزلان، بعد اتهامه بنشر صورة لقبر صديقه الراحل مصطفى حفناوي.
وكتب علي غزلان عبر حسابه الرسمي بموقع فيسبوك: “حسبي الله ونعم الوكيل، صفحة منزلة صورة لقبر فاضي.
مصطفى حفناوي
وتابع: “دي صورة لقبر فاضي أقسم بالله، ومش أنا اللي مصورها، حرام عليكم، أنا مش ناقص، حرام تتاجروا بيا عشان لايكات وتشتموا، حرام عليكم وربنا، إحنا مش ناقصين، إحنا تعبانين”.
وأضاف: “حرام عليكم أنا طول الجنازة مامسكتش موبايلي أصلا ولا طلعته من جيبي وعزة جلال الله، الناس كانوا معايا تقدروا تسألوهم، قسما بالله مصورتش ومنزلتش حاجة”.
واستكمل: “الناس بدل ما تدعو لمصطفى، داخلين يشتموا ويختلقوا مواضيع كذب وافتراء، وانتوا متشيروش حاجة لأي حد قبل ما تتأكدوا منها أرجوكم، في ناس ربنا ينتقم منهم بيصطادوا في المية العكرة، حسبي الله ونعم الوكيل، اتقوا الله”.
ورحل عن عالمنا اليوتيوبر مصطفى حفناوي، أمس الاثنين، بعد إصابته بنزيف في المخ، منذ أيام، استلزم نقله للمستشفى، بعد دخوله في غيبوبة.
https://www.youtube.com/watch?v=SSk50cSIvtA