تحدث الفنان بيومي فؤاد عن زوجته ومدى تقبلها لعمله في مجال الفن، والطريقة التي تتخطى بها إلتفاف المعجبين والمعجبات حوله أغلب الأوقات، ولفت «فؤاد» إلى أنها لا تنزعج من ذلك، ولكنها غضبت وشعرت بالغيرة بسبب سوء تفاهم حدث حول مسرحية شارك بها.
وسرد «فؤاد» الموقف الذي تسبب في مشاجرة بينه وزوجته: «زمان أوي لما كنت بعمل مسرح وهي بتبقى حابه تتفرج عليا أول ليلة عرض وساعات كثير مبتبقاش عايزه تعرف الحدوته إيه علشان تتفاجيء زيها زي الجمهور، في مرة في مسرحية من المسرحيات كنت عامل زي نجيب الريحاني في فيلم غزل البنات وفاكر إن بنت بتحبني وطلعت مبتحبنيش علشان كبير عنها سنًا، والمسرحية تشبه كده والبنت بتحط رأسها على صدري وأنا بطبط عليها».
وتابع: «كانت في خناقة بيني وبين مراتي في البيت علشان مش عايزها تحضر أول عرض علشان هيطول جدًا وهي كانت مصممة، فصالحتها وأخدتها معايا أول عرض، وهي فهمت أن أنا مش عايزها تحضر علشان المشهد ده وقولتلها ما هو اللي بيحصل في العرض الأول هيحصل في العرض الـ60 برضو، وبيبقى رد الفعل بيبان عليها».
تابع الشرقية توداي على جوجل نيوز 
