تقسيط المصروفات المدرسية.. شغل التقديم للمدارس ودفع المصروفات المدرسية للعام الدراسي الجديد 2021-2022، حديث أولياء الأمور على مواقع التواصل الاجتماعي المختلفة.
وقد تساءل العديد من أولياء الأمور حول إمكانية تقسيط مصروفات المدارس هذا العام..
وهو ما أجاب عنه الدكتور طارق شوقي وزير التربية والتعليم والتعليم الفني، وذلك خلال مداخلته أمس مع الإعلامي عمرو أديب في برنامجه “الحكاية”
ويرصد لكم موقع “الشرقية توداي” أهم تصريحات وزير التعليم وقرارت الوزارة في هذا الصدد.
تقسيط المصروفات المدرسية
تحدث وزير التربية والتعليم، عن العديد من التفاصيل الهامة الخاصة بالعملية التعليمية في العام الدراسي الجديد.
ومن أبرزها تساؤولات أولياء الأمور الخاصة بتقسيط المصروفات في المدارس ذات المصروفات المرتفعة.
وأوضح شوقي، أن الشكاوى التي تتقدم من أولياء الأمور بخصوص زيادة المصروفات في بعض المدارس، يتم مناقشتها والبحث حولها بشكل دقيق للتحقق من الأمر وحوكمته.
قائلًا:
الوزارة لما بيجلها شكوى من زيادة المصاريف مخالفة للي قولنا عليه، بنعمل عليها إشراف إداري ومالي كامل وبنتلافى ده كله.. في عدد كبير من المدارس حوالي مثلًا 12 ألف مدرسة واحنا محتاجين نحوكم الموضوع ده وننهيه تمامًا.
وتابع شوقي:
“لما تحب تعاقب مدرسة مش هتقدر تقف لها أو تقفلها لإن الطلبة جوة المدرسة هو واخد رهينة فمش هتعرف تقفله المدرسة وتضر مصلحة الطالب، وبالتالي في حالة المخالفة احنا بنعمله عقوبات مالية كبيرة جدًا، ده غير أن الترخيص هنعمله قواعد وهنعلنها في وقتها”
هل يمكن تقسيط المصروفات المدرسية؟
وفي إجابته عن هل يمكن تقسيط المصروفات للمدرسة، أبدى وزير التعليم اعتراضه على هذا الاقتراح مؤكدًا أنه لا يمكن تقسيط المصروفات.
قائلًا:
الحديث ده متكرر وجه الوقت إن إحنا نتوقف عنه.. مش معقول كل سنة هنكرر نفس الأسئلة ونتكلم على الأتوبيس والزي المدرسي.
وتابع وزير التعليم:
اللي عايز يدخل ولاده مدرسة حكومية يدخلهم، بس مينفعش يدخلهم مدرسة خاصة ويطالب بتغيير أنظمتها.. المدرسة الخاصة كمان ليها مصاريف وتعتبر مشروع استثماري، فمينفعش ان احنا نقول حاجة زي كدة من اتجاه واحد أو الاتجاه اللي مريحني أنا بس، لأن مش كل ولي أمر هياخد قرار يريحه هو.
وفي حديثه حول التحكم ومراقبة المدراس ذات المصروفات العالية، قال شوقي:
احنا بنحاول نعمل حوكمة المدارس من جذورها وهنعلن عنها قريب، مش هقدر أحدد ميعاد لأن هناخد من 6 إلى 8 أسابيع، وهنحوكم كل ما يتعلق بالمدارس والمصروفات من حيث التعاقدات بين أولياء الأمور والمدرسة، كمان طريقة الدفع هتكون إلكترونية وتحت إشراف الوزارة..
تابع الشرقية توداي على جوجل نيوز 
