كتب | أحمد الدويري
اشتكى الإعلامي الدكتور توفيق عكاشة من ظروفه المالية السيئة، وذلك خلال حلقة الخميس من برنامجه مصر اليوم، المذاع عبر فضائية الحياة.
وقال عكاشة: «أنا راجل مذيع في التلفزيون أهه وحالتي تعبانة الحقيقة، وأنا مبتكسفش ولما بتكون ظروفي كويسة بقول، ولما بتكون ظروفي زي الطين بقول، أنا ظروفي زي الطين».
وأوضح عكاشة أنه استعان بالدكتور علي جمعة مفتي الديار المصرية السابق: «طلبت أبويا الشيخ علي جمعة، وقولت له يابا الشيخ علي أنا ظروفي تعبانة وعايز المزرعة بتاعتي اللي راحت، وأنا مكنتش فاضي وكنت واقف ورا البلد فالمزرعة بتاعتي راحت بقت صفر، ومعنديش رأس عجل واحد ولا بقرة واحدة ولا جاموسة واحدة، ومعييش فلوس، وأنا عايزك تساعدني يابا الشيخ علي».
وتابع: «قالي قوي حاضر وبالفعل أبويا الشيخ علي جمعة بيساعدني علشان أرجع أقوم وأوقف المزرعة عندي، والمزرعة دي مش بتاعتي أنا لأ، دي بتاعت مصر كلها، ليه؟، لأن بيحدث فيها إنتاج حيواني».
تابع الشرقية توداي على جوجل نيوز 
