حوار مع الفنان خالد عليش
اجرى الحوار: ايمان سالم محمد
1- كيف اكتشفت موهبة التمثيل ؟
من وانا صغير انا بحب التمثيل والفن وبحب الشكل وان اكون موجود وسط الناس دي من اول مدخلت المدرسه بدأت ادور فين المسرح وانا في ابتدائي واعدادي وبعدين يجي مخرج يوظف امكانياتي الشكليه والصوتيه وبعد ثانوية عامه والجامعه كانت فرصه ومرحلة فارقه فحياتي لان مسرح الجامعه قعدت فيه سنتين تلاته واتعلمت منه كتير واستفدت منه كتير وهو اللي خلاني يكون عندي جرأه اكثر واستخدمها صح وفيما بعد تعرفت علي استاذ احمد فهمي منتج ربع مشكل ولمبة شو هو ده الراجل اللي انا بشتغل معاه وبرتاح فلشغل معاه وهو حاسس ان انا عندي حاجه مختلفه وساعدني وطلعنا الشغل اللي موجود ده الحمدلله .
2- هل حالفك الحظ منذ اللحظات الاولي ام تعثرت في مسيرتك الفنيه ؟
العقبات كلها اللي ممكن تواجه أي بني ادم فاي مكان الشخصيات اللي ممكن تديلك negative energy طاقه سلبيه كبيره يعني مينفعش اكون نفسي مثلا لاعب كوره او تقابل شخص عايز يكون لاعب كوره واقوله ايه هيوديك تلعب فنادي الاهلي واحبطه لا المفروض اقوله لا ان شاء الله واشتغل علي حلمك حتي لو هو ولا حاجه واحتمال من ولا حاجه يعمل حاجه ومينفعش احبط أي بني ادم بس عشان عنده طموح ونفسه يكون حاجه هي دي العقبه الاساسيه لاني كنت باقبل شخصيات صحابي يقولولي يا عم تمثل ايه مذيع مره واحده لا صعبه ممكن فلحظه من اللحظات ياثروا عليك وتقول فعلا عندهم حق لازم يكون عندك اصرار زي ما انتو بتدوروا تشتغلوا ويكون عندكم اصرار وتعمل حوار مع ده وده وتجري وترتقي بالمهنه بتاعتك وهي دي العقبه الاساسيه الشخص المحبط فاي مجال .
نصيحتي لاي حد (تخلص من الشخصيات المحبطه فحياتك او تجاهلها اسمع من هنا وطلع من الناحية التانيه )
3- كيف كانت تجربتك في المسرح ؟
يعني انا معملتش مسرح كتير اشتغلت فمسرح الجامعه والساقيه والحمدلله المسرح بيحقق متعه شخصيه ومشكلته صعب جدا وعشان تحترفي الموضوع في الفتره دي صعب جدا ودلوقت مبفكرش فلموضوع ده لانه مرهق جدا وعلمستوي المادي مبيبقاش مربح ويتحول من هواية لاحتراف .
4- هل كنت راضي عن تجربة ربع مشكل التي نجحت في رمضان الماضي ؟
الحمدلله ربع مشكل طلع زي منا متخيله بالظبط وهو تطور لبرنامج لمبة شو وهو كان هيبقي اسمه لمبة شو 2 وتحول لربع مشكل وانا معروف فلشارع حتي بأدواري فيه ولو انتي بتكلميني دلوقت بيبقي عشان ربع مشكل .
5- ما علاقة عملك الإذاعي بالفني في ميجا اف ام ؟
انا من قبل ما امثل كان نفسي اشتغل في الاذاعه كنت حابب ده كمذيع في راديو بالشكل الاحترافي اللي احنا فيه وانا قاعد بطور من اللي انا بسمعه وبطور الشكل ازاي بستخدم التكنولوجيا المتاحه وده كان هدفي اعمل راديو مختلف والناس تحس ان انا قاعد جنبها في العربيه .انا اتعرفت علي طارق ابو السعود مدير شبكة راديو النيل ومنها ميجا اف ام ورحت قابلته ورحب جدا وهو كان عايز يعمل برنامج بشخصيه طبيعيه جدا والضحك مش مرتب ليه والناس اللي بتكلمك والحاجات اللي بتجيلك هي دي اللي بتخلق الضحك البسيط من الحلقه ولازم الناس كلها تلجأ لده الفتره الجايه وهدفي الترفيهه وفنفس الوقت اقدم معلومه .
6- هل تنوي ان تشارك في عمل فيلم سينمائي منفردا بالبطوله ؟
فلفتره دي ممكن افكر دلوقت انهارده
لكن قدام معرفش
لان دلوقت حاسس انه محتاج انور اكثر واخد ادوار ثانوية مؤثره واكتسب خبره اكتر .
7- بماذا تتوجه لمعجبينك هذه الفتره ؟
تخلصوا من الطاقه السلبيه بحياتكم وتفائلوا بالخير تجدوه واللي جاي ربنا هيكرمك بيه واتمني من الناس الاستمتاع بالحوار
8 – من سترشح للرئاسه ؟؟
حاليا ماخدتش قرار نهائي وممكن قدام الاقي حد معين وانتخبه
كان حوار معكم خالد عليش الفنان والاذاعي
[youtube]http://www.youtube.com/watch?v=_3s5qDw-es4&feature=youtu.be[/youtube]
اجرى الحوار: ايمان سالم محمد
تابع الشرقية توداي على جوجل نيوز 
