بعد قراءه مسودة الدستور .. أقدر أقول ان هذه المسوده لم تختلف عن دستور 71 .. ولكن اتعدل فيها بعض المواد واللجنه التأسيسيه استحدثت مواد جديده مكنتش موجوده في دستور 71 ..
التعديلات اللي اتعملت كويسه جدا جدا على فكره .. اما المواد المضافه فهي سيئه جدا وركيكه للغايه .. ومضره اكتر منها مفيده .. وعلى سبيل التفصيل ..
الماده 1 .. من اول ويعتز بانتمائه لحد اخر الماده ملهاش اي لزمه ولا معني وماهي الا عباره عن موضوع تعبير ..
الماده 3 .. ظاهره كويس بس صعب جدا تتنفذ بالاضافه الي انها تناقض مبدأ المواطنه لانه يميز المصريين على حسب الدين .. والاكتر ان مفيش اليه للتنفيذ بالعكس ده هتبقا صعبه جدا لدرجه انها ممكن تجبرنا نعمل قانونين مختلفين لنفس المصريين ..
الماده 4 .. كارثه بكل المقاييس ملهاش لزمه اصلا ده غير ان الازهر ممكن يتدهور في اي وقت وانه مينفعش يتحط كمرجع للدين ككلمه مجرده كده + يعني ايه شيخ الازهر غير قابل للعزل ..
من الماده 15 الي الماده 22 .. كلام مرسل ومقالش خالص ولم يشر اطلاقا عن كيفيه اداره الدوله اقتصاديا وهل هي رأسماليه ام اشتراكيه ..
ماده 23 .. كان لازم يركز على مبدأ ان الضرائب تفرض على مبدأ العداله الاجتاعيه وتزيد بزياده الدخل ..
ماده 32 .. اعطت ضمانه كبير جدا بحيث ان ممنوع الضبط القضائي الا باذن من القاضي المختص شخصيا .. ودي ضمانه هتسمح بانتشار الجريمه ومفيش ليها اي توازن او حساب ..
الماده 39 .. اعطت الباب مفتوح للطعن في الشريعه الاسلاميه ببساطه رغم اقرارها بيها في الماده 2 وده تناقض غبي ومتخلف وماده متخلفه ..
ماده 40 .. ايه علاقتها بالدستور وفين القانون المنظم ليها ..؟
ماده 44 .. اتاحت حريه الاعلام دون اي حساب اطلاقا .. يعني اللي يطلع اشاعه او ينشر خبر غلط عادي جدا ومفيش اي حساب .. يعني نقدر نقول ان الاعلام مصداقيته هتنهار ..
ماده 57 .. اباح الاضراب والامتناع عن العمل حق مجرد مكفول دون اي تنظيم .. يعني حتي لو اضر ذلك بالاقتصاد والامن القومي مفيش مشكله ..رغم ان في كل دول العالم الاضراب شرطه الاساسي انه ميخلش بسير العمل ..
ماده 58 .. دي ماده معموله على المسطبه .. والمفروض يراعوا ان ده دستور دائم ..
ماده 62 .. منعت فرض الامن اذا لزم الامر وقت الازمات والكوارث والذي يقتضي اجراءات استثنائيه .. زي وقت الحروب او الكوارث
ماده 73 .. منحت اللجوء السياسي لاي اجنبي بيطلبه من مصر .. بدون اي شروط ومش مهم هو عمل ايه او ليه !!
الماده 80 .. ملغتش مجلس الشوري وخلته اسمه مجلس الشيوخ وبقا دوره ان يحل محل مجلس الشعب لو انحل .. يعني ملوش اي لزمه على الاطلاق ..
ماده 111 .. مفسترش ده يحصل ازاي واكتفت بكلمة فقد الثقه والاعتبار ..
+ ان اي ماده بقا تتعلق بمجلس الشيوخ من وجهه نظري تضييع وقت ..
الدستور .. اعطي مكانه زياده عن اللزوم للقضاء .. دون محاسبه اذا اخطأ او أخل بواجباته ودون تنظيم لعمله واداله سلطات تخليه يكون هو الحاكم الخفي للدوله .. وده يتعارض مع مبدأ السلطات ..
الدستور ماتكلمش عن محاسبه الوزراء ومحاكمتهم او رئيس الوزراء واتكلم بس عن رئيس الجمهوريه ..
القضاه غير قابليت للعزل في الدستور الجديد ..
اعضاء المحكمه الدستوريه العليا غير قابلين للعزل ايضا .. لا ولو غلطوا اللي يحاكمهم نفس المحكمه زمايلهم يعني ..
ماده واحده بس للشرطه في الدستور كله .. رغم التشعب الفظيع لعمل الشرطه في الدوله ..
الدستور حاول يرضي ناس كتير في المجتمع سواء هم على حق او خطأ وده يخليه عليه خلاف كبير. .
الدستور بصراحه كفل حق المرأه ومساواتها في الرجل بما لا يتعارض مع الشريعه ودي تعتبر ميزه كبير ..
الدستور اقتبس من الميثاق العالمي لحقوق الانسان حقوق الطفل وركز عليها كويس ودي ميزه تجسب ايضا ليه ..
المسوده دي محتاجه النظر فيها تاني لان الحاجات اللي قلتها فوق تضر مصر جدا .. ولو ببالمنظر ده كنا فضلنا على دستور 71 وعدلنا شويه حاجات الخاصه بالرئيس وخلاص ..!!
المصدر | الشرقيه توداي
تابع الشرقية توداي على جوجل نيوز 
