سائق «توك توك»: «نتفرج على التليفزيون نلاقي مصر فيينا.. ننزل في الشارع نلاقيها بنت عم الصومال»

وظهر الليثي في الحلقة، مساء الأربعاء، وهو يرصد شكاوى الناس في الشارع، فكان حواره لنحو 3 دقائق مع سائق «توك توك» عن الأحوال في مصر، قائلًا: «دولة لها برلمان ولها مؤسسات عسكرية ومؤسسات أمنية خارجية وداخلية ولها 20 وزارة حالها يبقى بالوضع والشكل ده؟».

وأبدى السائق استياءه بسبب الأزمات التي تشهدها مصر، قائلًا: «كان عندنا سكر يكفينا وأرز بنصدره، والتعليم لأسفل مما تتخيل»، فقاطعه الليثي بسؤاله: «إنت خريج إيه؟»، فرد عليه: «أنا خريج توك توك».

واعتبر أن نهضة مصر تتلخص في 3 أمور، بقوله: «3 حاجات عشان البلد تنهض، تعليم وصحة وزراعة، لو المواطن لقى الـ3 حاجات دول أقسم بالله ما يقدر عليه غير ربنا»، متابعًا بقوله: «حرام مصر يتعمل فيها كده»

وأضاف: «دي مصر يا جدعان اللي كانت مسلفة بريطانيا مصر، واللي كان احتياطي النقدي بتاعها أكبر احتياطي نقدي في العالم، يوصل الحال بها كده؟».

وقال: «شوية تجار ضحكوا على الناس بحجة الديمقراطية والحرية والعدالة الاجتماعية وعهودهم بعيدة كل البعد عن الديمقراطية والعدالة»، خاتمًا بقوله: «بالله عليك ما تقطع حرف من اللي أنا بقوله»، فكان رد الليثي عليه: «هذيع لك كل كلمة قلتها».

يشار إلى أن فيديو السائق كانت عدد مرات مشاهداته على صفحة قناة «الحياة» بموقع «فيس بوك» نحو 670 ألف مشاهدة.

المصدر